اسكەري قىزمەتشىلەردىڭ جاعدايىمەن تانىستى

قورعانىس ۆەدومستۆوسىنىڭ دەلەگاتسياسى اسكەري بولىمدەر ورنالاسقان جەردە بولىپ, جاس وفيتسەرلەردىڭ, مەرزىمدى جانە كەلى­سىمشارت بويىنشا اس­كە­ري قىزمەتشىلەردىڭ جاع­داي­لارى­­مەن تانىستى. گەنەرال-ما­يور مۇحامەدجان تالا­سوۆ جەكە قۇراممەن, مەرزىم­دى قىز­مەت­تەگى اسكەري قىزمەت­شى­لەر­دىڭ اتا-انالارىمەن كەز­دەسىپ, بار­لىق سۇراقتارعا جاۋاپ بەردى. سونى­مەن قاتار ول اسكە­ري بو­لىم­دەر مەن مەكەمەلەر كو­مان­­ديرلەرىنىڭ ءتارتىپتىڭ جاي-كۇيى, اسكەري قىزمەتشىلەردىڭ الەۋ­­مەتتىك-تۇرمىستىق جانە تۇر­عىن ءۇي جاعدايى, بولىم­شە­لەر­دەگى مورالدىق-پسيحو­لوگيا­لىق احۋال, تۇيتكىلدى ماسە­لە­لەر تۋرالى باياندامالارىن تىڭ­­دادى, سونداي-اق پرەزي­دەنت جولداۋىنىڭ نەگىزگى ەرە­جەلەرىن ءتۇسىندىردى.

اسكەري قىزمەتشىلەر مەن ولاردىڭ وتباسى مۇشەلەرىنە قا­جەت­تى زاڭگەرلىك كومەك كور­سە­تىلىپ, اسكەري قىزمەتكە, تۇر­عىن ءۇي جانە زەينەتاقىمەن قامتا­ما­سىز ەتۋگە قاتىستى ماسەلەلەر بويىنشا كەڭەستەر بەرىلدى.

ءىس-شارالار قارۋلى كۇش­تەر ۇلت­تىق اسكەري-پاتريوت­تىق ورتالىعى ارتىستەرىنىڭ كونتسەرتتەرىمەن سۇيەمەلدەندى. سونىمەن قاتار اوسك قويان-قول­تىق ۇرىس جانە قازاق كۇرەسى بويىنشا اسكەري سپورتشى­لارىنىڭ ونەرلەرى قويىلدى.

سارىوزەك گارنيزونىنا بارۋ اسكەري ءبولىم كۇنىمەن تۇسپا-تۇس كەلدى. وسى بويىنشا اسكەري جارىستا ۇزدىك بولعان اسكەري قىزمەتشىلەر ماراپاتتالدى. ولاردى قارۋلى كۇشتەر باس شتابى باستىعىنىڭ ورىنباسارى جەكە قۇتتىقتادى.

«بارلىق اسكەري قىزمەت­شى­لەرگە اسكەري بورىشقا ادال­دىعى, قىزمەتى مەن وتان قور­عاۋ ىسىنە قوسقان زور ۇلەسى ءۇشىن شىنايى ريزاشىلىعىمدى بىلدىرەمىن. سىزدەردىڭ تاماشا قىزمەتتەرىڭىز ابىروي, اسكەري ەرلىك پەن ءپاتريوتيزمنىڭ ايقىن دالەلى», – دەدى ول.

گارنيزوندارمەن تانىسۋ بارىسىندا زاپاسقا شىعارىلا­تىن مەرزىمدى قىزمەتتەگى اسكەري قىزمەتشىلەردى قۇتتىقتاۋ جانە وسى كۇزدە قارۋلى كۇشتەر­گە قىزمەتكە جىبەرىلەتىن اسكەرگە شاقىرىلۋشىلاردى شىعارىپ سالۋ ۇيىمداستىرىلدى. جاس پاتريوتتار دا شەتتە قالمادى. «جاس سارباز» اسكەري-پات­ريوت­تىق قوزعالىسىنىڭ تاربيە­لەنۋشىلەرى سالتاناتتى تۇردە انت قابىلدادى.

ايتا كەتۋ كەرەك, اقپارات­تىق-ءتۇسىندىرۋ توبىنىڭ جۇ­مىس ماقساتى – اسكەري قىزمەت­شىلەرمەن, ولاردىڭ وتباسى مۇش­ەلەرىنىڭ الەۋمەتتىك-تۇر­مىس­تىق جاعدايلارى مەن وزەكتى ماسەلەلەرىن زەردەلەۋ, گار­ني­زونداردىڭ اسكەري بولىم­دەرى قولباسشىلىعىنىڭ قىز­مەتىن تالداۋ, قولدانىستاعى زاڭنامانىڭ نەگىزگى ەرەجەلەرىن ءتۇسىندىرۋ جانە پرەزيدەنتتىڭ جول­داۋىن جۇزەگە اسىرۋ, سون­داي-اق اسكەري بولىمدەر مەن مە­كەمەلەرگە اقپاراتتىق-تاربيە جانە يدەولوگيالىق جۇمىس­تار­دى ۇيىمداستىرۋ ماسەلە­لەرى بويىنشا ادىستەمەلىك جانە پراكتيكالىق كومەك كورسەتۋ.