شارا ناتيجەسىندە تۇرعىن ۇيلەردىڭ قابىرعالارى مەن قورشاۋلارىنا ەسىرتكى تۇرلەرىن ناسيحاتتايتىن گراففيت جازۋلار جازعان تاراز قالاسىنىڭ تۇرعىنى قولعا تۇسكەن. ۇستالعان ازامات كىناسىن مويىنداپ, جاۋاپكەرشىلىككە تارتىلعان.
جامبىل وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, تابىلعان جازۋلار الىنىپ تاستالعان جانە سينتەتيكالىق ەسىرتكىنى ناسيحاتتايتىن ينتەرنەت-سايتتار بۇعاتتالعان. سونىمەن قاتار اتالعان دەپارتامەنتتىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى تاراز قالاسىنىڭ ۇيلەرى مەن عيماراتتارىنىڭ قابىرعالارىندا گراففيت جازۋلاردى الىپ تاستاۋ بويىنشا «جاسىل ەل تاراز» ۇيىمىن تارتا وتىرىپ, جۇيەلى تۇردە ءىس-شارالار وتكىزىپ تۇراتىنىن مالىمدەدى. ال, قالا بويىنشا 600-گە جۋىق جازبا جويىلعان.
