ۇيلەستىرۋ كەڭەسىندە پارلامەنتتىڭ ەكى پالاتاسىنداعى سالالىق كوميتەتتەردىڭ مۇشەلەرى مەن تاجىكستاننىڭ الەۋەتتى ورگاندارىنىڭ باسشىلارى باس قوستى.
كۇن تارتىبىنە وراي ۇقشۇ مۇشەلەرى ايماقتىڭ قازىرگى زامانعى ساياسي احۋالىن, بەيبىتشىلىك پەن ۇجىمدىق قاۋىپسىزدىكتى قامتاماسىز ەتۋدى بىرلەسە ۇيلەستىرۋ اياسىندا قورعانىس جانە قاۋىپسىزدىكتىڭ وزەكتى ماسەلەلەرىن قارادى. ۇقشۇ-عا مۇشە مەملەكەتتەردىڭ قورعانىس جانە قاۋىپسىزدىك سالاسىنداعى جاعدايدى ودان ءارى دامىتۋ مەن جاقسارتۋ, ونىڭ ىشىندە زاڭنامالىق قولداۋدى تالاپ ەتەتىن بىرقاتار ماسەلەلەر بويىنشا پىكىر الماسىلدى.
ساپار بارىسىندا كەڭەسكە قاتىسۋشىلار جۋكوۆ وردەنىنە يە 201-ءشى گاتچينسك اسكەري بازاسىندا بولدى, وندا ۇقشۇ وڭتۇستىك شەكاراسىن كۇزەتۋ قاۋىپسىزدىگىن قامتاماسىز ەتۋ جاعدايىمەن, سونداي-اق تاجىكستان قورعانىس مينيسترلىگىنىڭ اسكەري بولىمىمەن (ۆاحدات قالاسى) تانىستى.
سونداي-اق ۇيلەستىرۋ كەڭەسى مەن تۇراقتى كوميسسيانىڭ مۇشەلەرى ۇقشۇ بىتىمگەرشىلىك كۇشتەرىنىڭ «مىزعىماس باۋىرلاستىق-2019» بىرلەسكەن وقۋ-جاتتىعۋىنا بايقاۋشى رەتىندە قاتىسۋى جوسپارلاندى.
