ايماقتار • 29 قازان، 2019

...جازىپ قويعان حاتپەن تەڭ

24 رەتكورسەتىلدى

س.تورايعىروۆ اتىنداعى وبلىستىق كىتاپحانادا جازۋشىلار وداعىنىڭ، جۋرناليستەر وداعىنىڭ مۇشەسى، باياناۋىل اۋدانىنىڭ قۇرمەتتى ازاماتى، اقىن، ارداگەر ۇستاز زەكەباي سولتانباي ۇلىنىڭ شىعارماشىلىق كەشى ءوتتى. رۋحاني شارا بارىسىندا زەكەباي اتامىزدىڭ ءماشھۇر ءجۇسىپ تۋرالى جازعان 5 تومدىق كىتابىنىڭ تۇساۋكەسەر ءراسىمى ۇيىمداستىرىلدى.

كەزدەسۋدە وقىرمان نازارىنا ۇسىنىلعان ءماشھۇر ءجۇسىپ تۋرالى 5 كىتاپ – ء«ماشھۇر»، ء«جۇسىپ»، «كوپەەۆ»، «عۇلاما»، «ادام» دەپ اتالادى. زەكەباي سولتانباي ۇلىنىڭ بۇعان دەيىن «جىر جيھازى»، سۇلتانماحمۇت تورايعىروۆ جايلى «جالىندى دەموكرات» اتتى كىتاپتارى جارىق كورگەن-ءدى.

–مەن əركىمگە əرقيلى كورى­نە­تىن ءمəشھۇر بەينەسىن جاساۋدا ءومىر شىندىعىنا سۇيەندىم، – دەيدى اۆتور.

–وسىدان بىرنەشە جىل بۇرىن جۇماباي شاشتاي ۇلىمەن بىرگە باياناۋىلعا جول ءتۇستى. سول ساپاردا زەكەباي سولتانباي ۇلىمەن تانىستىم. ءماشھۇر ءجۇسىپ تۋرالى ەڭبەكتەرى ەرەكشە نازارىمدى اۋداردى. اۋليە تۋرالى كىتاپ جازباق تۇگىلى، اۋليەنىڭ جازعاندارىن ءتۇسىنىپ وقۋ ءۇشىن دە دايىندىق كەرەك. ال زەكەباي اعامىزدىڭ عۇلا­ما­عا ارنالعان 5 تومدىق شى­عار­ما­سى – قازاق ادەبيەتىنىڭ ولجاسى، – دەدى كەشكە ارنايى كەلىپ قاتىسقان اقىن، «جۇلدىز» جۋرنالىنىڭ باس رەداكتورى عالىم جايلىباي.

وبلىستىق مادەنيەت جانە تىلدەردى دامىتۋ باسقارماسىنىڭ ۇيىمداستىرۋىمەن وتكەن كەشكە ز.سولتانباي ۇلىنىڭ شاكىرتتەرى، زيالى قاۋىم وكىلدەرى، جۋرناليستەر قاتىستى.

جيىندا وبلىس اكىمى بولات باقاۋوۆ­تىڭ قۇتتىقتاۋ حاتى وقى­لىپ، اقساقالدىڭ يىعىنا شاپان جابىلىپ، قۇرمەت كورسەتىلدى.

ءيا، «باياناۋىلدىڭ ابىزى» اتانعان اقساقال اۋىل-ەل اراسىندا ەرەكشە سىي-قۇرمەتكە، بەدەلگە يە. وتكەننىڭ قازىناسىن ۇر­پاعىنا جەتكىزۋ امانات. مۇنى تە­رەڭ سەزىنەتىن زەكەباي اتا­مىز­دىڭ قالام قۋاتىنا تۋعان باياناۋى­لىنىڭ سۇلۋ تابيعاتى ەسە­لەي شابىت قوسقانداي.

بۇكىل تۋىندىلارى – ءومىر بويعى ىشكى رۋحاني جان تولعا­نى­سى­نان، ىزدەنۋدەن، كۇنى-ءتۇنى وقىپ، جازۋدان ومىرگە كەلدى. عالىم جايلىباي ايتقانداي، تۋىندىلارى قالامگەر رەتىندە قازاق əدەبيەتىنە قوسىلعان ۇلتتىق قۇندىلىق دەۋگە ابدەن بولادى.

زەكەباي اتامىزبەن سۇحبات­تا­سۋ­دىڭ ءوزى ءبىر عانيبەت!

سەلت ەتكىزەر تۇيدەك-تۇيدەك ويلا­رىنا، قوعامدىق ومىرگە ءۇن قو­سۋى­نا، ەشنارسەدەن قالىس قالماي­تىنىنا تاڭعالاسىڭ. وسى كۇنى ول 90 جاستى ماڭايلاپ قالسا دا، قاشاندا سەرگەك، بەلسەندى.

زەكەباي سولتانباي ۇلى بايان­اۋىل­­داعى ەگىندىبۇلاق ورتا مەك­تە­­­بىن ۇزاق جىلدار بويى باس­قار­دى. كوپتەگەن ءبىلىمدى، ونەرلى شاكىرتتەر تاربيەلەدى.

 اقساقال ۇستازدىق جولىن ونە­رىن دە ىلەستىرە، ادەبيەتپەن دە سىرلاسا جالعاستىردى. سوناۋ 70-ءشى جىل­دارى زەكەباي اتا باستاعان اۋداندىق «بايان سۇلۋ» ءانسامبلى الماتىعا كونتسەرتتىك ساپارمەن بارىپ قايتادى. اۋىل كلۋبى ساحناسىندا «ەڭلىك-كەبەك»، «قوزى كورپەش-بايان سۇلۋ»، «قىز جىبەك» پەسالارىن ساحنالادى.

وسى شىعارماشىلىق كەش بارىسىندا جەرگىلىكتى انشىلەر باياناۋىلدىقتار اۋەنىنە اينالعان زەكەباي اتانىڭ «ەگىندىبۇلاق ءۆالسى»، «بايان گۇلدەرى»، «اكەمە»، «باۋىرىما»، «بايان دەگەن…» اندەرىن شىرقاعان-دى.

 

پاۆلودار وبلىسى

 

سوڭعى جاڭالىقتار

ۇقساس جاڭالىقتار