وسىنداي ءسوز جازىلعان ۇلكەن, كوشەنىڭ جارتىسىن جاۋىپ تۇرعان بيلبوردتار ءار اۋىلدا دا كوزىڭە وتتاي باسىلادى. تۇپكى ماعىناسى: «اۆتوينسپەكتورلارعا پارا بەرمەڭدەر دەگەندى بىلدىرەدى-اۋ» – دەپ, تۇسىنسەم دە, كەيدە, «اۆتوينسپەكتورلارعا سوندا پارانى جولدان شىعىپ بەرۋگە بولا ما ەكەن» دەگەن وي كوڭىل تۇكپىرىمنەن قىلاڭ ەتە قالادى. ەرىكسىز جىميامىن. بۇل كۇلەتىن ءسوز ەمەس. پاراقورلىقتى قايتسەك جويامىز دەگەن ارەكەت. نيەت ءتۇزۋ. بىراق ەلدى انىق پارا بەرمەۋگە شاقىرعان تىركەس دەپ ايتۋعا كەلمەيدى.
مەنىڭ قىنجىلاتىنىم, ءسوز قورى جاعىنان كوپتەگەن حالىقتى ارتقا تاستاي تۇرا حالىقتى پاراقورلىققا قارسى شىعۋعا ءبىر كىسىدەي شاقىراتىن, جانە سوعان كوپشىلىكتى جۇمىلدىراتىن ودان ۇتىمدى تىركەس تابا الماعانىمىز با؟ ىشكى ىستەر ءبولىمى قىزمەتكەرلەرى اراسىندا ءسوزدىڭ پارقى مەن نارقىن تەرەڭ تۇسىنە الاتىن ادام جوق دەگەنگە ءتىپتى دە سەنگىم كەلمەيدى.
ىشكى ىستەر قىزمەتكەرلەرى دەگەن ءبۇتىن ءبىر ارميا دەسەك تە بولادى. ولاردىڭ اراسىندا تاڭدايلارى تاقىلداعان تالاي شەشەندەر مەن تاۋىپ سويلەيتىن, ءبىر اۋىز سوزىمەن ساناڭا كوپ نارسەنى قۇيىپ تاستايتىن ساڭلاق قىزمەتكەرلەر بار ەكەندىگى ءسوزسىز.
بۇل جەردە ۇگىت-ناسيحات جۇمىستارىنا جاۋاپ بەرەتىن كەيبىر ىشكى ىستەر قىزمەتكەرلەرىنىڭ وسىنداي بيلبورد ىلدىرەردە ونىڭ ماعىناسىنا جان جاقتى قاراماي, تاپسىرمانى اسىعىس ءىس جۇزىنە اسىراتىن ءتارىزدى.
ۇگىت-ناسيحات جۇمىستارى وتە جاۋاپكەرشىلىكتى قاجەت ەتەدى. ادامدارعا رۋحاني قۋات بەرۋدە, ولاردى العى ماقساتتارعا جىگەرلەندىرۋدە تاپتىرمايتىن قۇرال. ءتىپتى سانانى مۇلدە وزگەرتپەسە دە كۇردەلى اسەر ەتەتىنىن فيلوسوفتار مەن ساياساتكەرلەر جاقسى بىلەدى. وسى ماسەلەگە قۇقىق قورعاۋ ورگاندارى دا باسا ءمان بەرسە ەكەن.
مارات قاشقىنباەۆ,
جۋرناليست
الماتى وبلىسى,
بالقاش اۋدانى,
باقاناس اۋىلى
