جۋرناليستەر اراسىنداعى دوداعا «كازپراۆدا», «قازكونتەنت», جارىستى ۇيىمداستىرۋشى «قازاقپارات» جانە بيىل عاسىر جاسىن تويلاپ جاتقان «Egemen Qazaqstan» گازەتىنىڭ قىزمەتكەرلەرى قاتىسىپ, جارىستىڭ كورىگىن قىزدىردى. سپورتتىق شارانىڭ اشىلۋ سالتاناتىندا «قازاقپارات» حاا باس ديرەكتورى اسقار قۇمىران جارىستى ۇيىمداستىرۋداعى نەگىزگى ماقسات – اقپارات ىزدەگەن ءتىلشى قاۋىمىن ءبىر ءسات بولسا دا جۇمىستان تىس ۋاقىتتا سەرگىتۋ, ءبىر-بىرىمەن تانىستىعىن ارتتىرۋ ەكەنىن ايتتى.
تاس شارمەن بوۋلينگ كەگلدەرىن قۇلاتقان باسەكەدە باق وكىلدەرى وزدەرىنىڭ تەك جازۋعا عانا ەمەس, سپورتتىق ويىنداردا دا مىقتىلىعى مەن ەپتىلىگىن كورسەتتى. تارتىسقا تولى وتكەن جارىستا «Egemen Qazaqstan» گازەتىنىڭ جۋرناليستەر كومانداسى ەڭ كوپ ۇپاي جيناپ, تۋرنيردە توپ جاردى. ەكىنشى ورىندى «قازكونتەنت» قۇراماسى يەلەنسە, ۇزدىك ۇشتىكتى «كازپراۆداداعى» ارىپتەستەرىمىز تۇيىندەدى.
سونداي-اق اتالعان تۋرنيردە «Egemen Qazaqstan» گازەتىنىڭ ءفوتوتىلشىسى ەرلان ومار ەڭ ۇزدىك سترايكەر اتاندى. ارىپتەستەرىمىزدى جۇلدەلەرىمەن قۇتتىقتايمىز!
