اتاپ ايتقاندا, ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ كەلەسى جىلدىڭ 1 قاڭتارىنان باستاپ ەڭگىزىلەتىن كوپبالالى جانە مۇقتاج وتباسىلارعا ارنالعان كومەكتىڭ جاڭا ءادىسى تۇرالى ايتتى.
«مەملەكەتتىڭ نەگىزگى قاعيداتى - شىن مانىندە كومەككە مۇقتاج ادامدارعا, ءبىرىنشى كەزەكتە بالالار مەن كوپبالالى وتباسىلارعا كومەك كورسەتەتىن بولادى! ەڭبەككە قابىلەتتى ازاماتتار جۇمىس ىستەۋگە ءتيىس, مەملەكەت جۇمىسقا ورنالاسۋعا نەمەسە شاعىن بيزنەسپەن اينالىسۋعا كومەكتەسەدى. مەملەكەتتىك كومەك كوپبالالى وتباسىلاردى قولداۋدى, از قامتىلعان وتباسىلارعا اتاۋلى الەۋمەتتىك كومەكتى, از قامتىلعان وتباسىلاردىڭ بالالارىنا ارنالعان كەپىلدى الەۋمەتتىك پاكەتتى قامتيتىن بولادى», - دەدى ب.نۇرىمبەتوۆ.
ءمينيستردىڭ ايتۋىنشا, كوپ بالالى وتباسىلاردى قولداۋ رەسپۋبليكالىق بيۋدجەت قاراجاتىنان مەملەكەتتىك جاردەماقىنى ەنگىزۋ ەسەبىنەن قامتاماسىز ەتىلەدى. اتالمىش مەملەكەتتىك جاردەماقى جانۇيانىڭ تابىسىنا قاراماستان بارلىق كوپبالالى وتباسىلارعا تولەنەتىن بولادى. مەملەكەتتىك جاردەماقىنىڭ مولشەرى بالالاردىڭ سانىنا بايلانىستى سارالانىپ, ءار بالاعا ورتا ەسەپپەن 10-11 مىڭ تەڭگەدەن بەرىلەدى. ال, ااك از قامتىلعان وتباسىلارعا, سونىڭ ىشىندە كوپ بالالى وتباسىلارعا دا تولەنەتىن بولادى.
مينيستر ااك الاتىن ەڭبەككە قابىلەتتى وتباسى مۇشەلەرى جۇمىس ىستەۋى ءتيىس ەكەنىن اتاپ ءوتتى. ولاردى جۇمىسقا ورنالاستىرۋ ءۇشىن ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋعا باعىتتالعان «ەڭبەك» مەملەكەتتىك باعدارلاماسىنىڭ بارلىق تەتىكتەرى پايدالانىلاتىن بولادى. ەگەر وتباسىنىڭ ەڭبەككە جارامدى مۇشەسى ۇسىنىلعان جۇمىستان جانە جۇمىسپەن قامتۋعا جاردەمدەسۋ شارالارىنان باس تارتسا, وندا ااك تولەمى بارلىق وتباسى مۇشەلەرى ءۇشىن توقتاتىلادى.
ءمينيستردىڭ بايانداماسىن مۇقيات تىڭداپ, اۋىل تۇرعىندارى مەملەكەتتىك الەۋمەتتىك كومەكتىڭ جاڭا تەتىكتەرىن ماقۇلدادى.
اۋدان تۇرعىندارى زەينەتكەرلىك جانە تۇرعىن ۇيمەن قامتاماسىز ەتۋ, مۇقتاج وتباسىلارعا الەۋمەتتىك كومەك كورسەتۋ, جۇمىسقا ورنالاستىرۋ, مەملەكەتتىك قولداۋ شارالارىن كورسەتۋ جانە باسقا دا ماسەلەلەردى شەشۋگە قاتىستى وزدەرىن قىزىقتىرعان سۇراقتاردى قويۋعا مۇمكىندىك الدى.
«مەملەكەت ءوزىنىڭ بارلىق الەۋمەتتىك مىندەتتەمەلەرىن تولىق كولەمدە ورىنداپ وتىر. الەۋمەتتىك سالاعا رەسپۋبليكالىق بيۋدجەتتىڭ 45% باعىتتالدى. مەملەكەت باسشىسى حالىقتىڭ ءومىر ءسۇرۋ دەڭگەيىن جاقسارتۋعا ەرەكشە كوڭىل بولەدى, جالاقى, زەينەتاقى مەن جاردەماقى وسۋدە, جۇزدەگەن نىسان – مەكتەپتەر, اۋرۋحانالار, الەۋمەتتىك تۇرعىن ۇيلەر سالىنىپ, جولدار جوندەلۋدە. اعىمداعى جىلدىڭ 9 ايىنىنڭ وزىندە ااك تولەۋگە 200 ملرد. تەڭگەدەن استام قارجى جۇمسالدى», - دەدى ب.ساپارباەۆ.
سونىمەن قاتار, ۆيتسە-پرەمەر جاستارعا رۋحاني-ادامگەرشىلىك تاربيە مەن ءبىلىم بەرۋ جانە دەنساۋلىق ساقتاۋ سالاسىنىڭ ساپاسىن ارتتىرۋ, ءمامس ەنگىزۋ, ساندىق تەحنولوگيالاردى دامىتۋ, جۇمىسپەن قامتۋدى قامتاماسىز ەتۋ جانە الەۋمەتتىك سالانى دامىتۋدىڭ باسقا دا ماسەلەلەرىن قوزعادى.
سونداي-اق, ۇكىمەتتىك توپ شيەلى اۋدانىنداعى جاڭا اۋداندىق اۋرۋحانانىڭ جۇمىسىمەن تانىستى. نىسان 2019 جىلدىڭ جەلتوقسانىندا پايدالانۋعا بەرىلەدى. كەلەسى نىسان-شيەلى گەجۋبا تسەمەنت زاۋىتى. كاسىپورىننىڭ قۇرىلىسى 2018 جىلدىڭ جەلتوقسانىندا اياقتالىپ, 2019 جىلدىڭ مامىر ايىندا پايدالانۋعا بەرىلدى. جوبانىڭ قۇنى-64 ملرد تەڭگە. ورتالىق ازيانىڭ زاماناۋي تەحنولوگيالارىمەن جابدىقتالعان زاۋىت جىلىنا 1 ملن توننا ءونىم شىعارۋعا قۋاتتى.
