قانات يسلام جانە ناميبيالىق ۋولتەر كاۋتوندوكۆا اراسىنداعى جەكپە-جەك الماتى قالاسىنداعى بالۋان شولاق اتىنداعى سپورت سارايىندا ءوتتى. جەكپە-جەك ون راۋندقا سوزىلدى. ءار راۋند تارتىسقا تولى بولدى.
قانات يسلام بەسىنشى راۋندتى ءساتتى وتكىزدى. قارسىلاسىنا بىرنەشە قاۋىپتى سوققى جۇمساپ, ناتيجەسىندە ناميبيالىق ۋولتەر كاۋتوندوكۆانى نوكاۋتپەن سۇلاتىپ ءتۇسىردى.
دەسە دە ناميبيالىق بوكسشى كوپ ۇزاماي ەس جيىپ, جارىستى جالعاستىرۋعا مۇمكىندىك الدى. ودان كەيىنگى راۋندتاردا افريكالىق بوكسشى قانات يسلامعا لايىقتى قارسىلىق كورسەتتى.
ون راۋندقا سوزىلعان جەكپە-جەكتە تورەشىلەر شەشىمىمەن قانات يسلام جەڭىسكە جەتتى.
ايتا كەتەيىك, قانات يسلام وسىمەن 27 جەكپە-جەگىندە قارسىلاسىنان باسىم ءتۇسىپ وتىر. ول WBO (بۇكىلالەمدىك بوكس ۇيىمى) بەلبەۋىنە قول جەتكىزدى.
