ۇلتتىق قۇندىلىقتارىن جاڭعىرتۋ, رۋحى بيىك ۇلتتىق يدەيانىڭ قالىپتاسۋىنداعى ۇلتتىق قۇندىلىقتاردىڭ ماڭىزىن كورسەتۋ, سان عاسىرلار بويى سۇرىپتالعان ۇلتتىق قۇندىلىقتارىمىزدى دارىپتەۋ, قازاق حالقى تۋدىرعان مورالدىق نورمالاردا جانە ۇلتتىق قۇندىلىقتاردا بەكىتىلگەن پاتريوتتىق تاجىريبەنى مەڭگەرۋ, ۇلتتىق ەتنومادەني داستۇرلەر مەن ادەت-عۇرىپتاردى تانۋ باعىتىنداعى تاقىرىپتار قوزعالعان كونفەرەنتسيادا جەكەلەگەن زەرتتەۋ تاقىرىپتارى بويىنشا ارنايى باياندامالار جاسالاتىندىعىنان حاباردار ەتكەن «ەل-شەجىرە» قوعامدىق قورىنىڭ پرەزيدەنتى داۋلەت ءاشىمحان وسى باعىتتا قور تاراپىنان جۇزەگە اسقان تاريحي-مادەني ماڭىزى بار شارالار بارىسىنا توقتالىپ, جاس ۇرپاق ساناسىندا ۇلتتىق قۇندىلىقتاردىڭ ورنىعۋى مەن ارى قارايعى ناسيحات جۇمىستارىنىڭ رەتىنە توقتالىپ ءوتتى.
شارانىڭ مودەراتورى ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ جەتەكشى عىلىمي قىزمەتكەرى, تاريح عىلىمدارىنىڭ كانديداتى ف.شامشيدينوۆا ءار تاقىرىپتىڭ ماڭىزدىلىعىنا توقتالىپ, عىلىمي نەگىزدى, تەرەڭ تالداۋلارمەن جازىلعاندىعىنا كوپشىلىكتىڭ نازارىن اۋداردى.
تاۋەلسىزدىكتىڭ العاشقى جىلدارىنان بەرگى ارالىقتا ۇلتتىق قۇندىلىقتاردىڭ ماڭىزىنا وراي تەرەڭ تالدامالى ماقالالارىن ارناپ جۇرگەن پۋبليتسيست, «اقيقات» قوعامدىق-ساياسي جۋرنالىنىڭ باس رەداكتورى ا.ءالىم بۇگىنگى عادامداستىرۋ كەزەڭىندەگى مەملەكەتتەردىڭ سيپاتىن تەرەڭنەن تالداپ بەرسە, ءوز ءسوزىن «ارمىسىزدار, اعايىندار!» دەپ باستاعان ءال-فارابي اتىنداعى قازۇۋ فيلوسوفيا كافەدراسىنىڭ اعا وقىتۋشىسى, فيلوسوفيا عىلىمدارىنىڭ كانديداتى ءا.باكىر ۇلى وسى ءسوز تىركەسىنىڭ قازاقى عۇرىپتاعى ورنى مەن ماڭىزىنا, ۇلتتىق مادەنيەتتى جاڭعىرتۋعا باعىتتالعان مەملەكەتتىك باعدارلامالارعا توقتالىپ ءوتتى.
القالى جيىن قازۇاۋ «رۋحاني جاڭعىرۋ» گۋمانيتارلىق زەرتتەۋلەر ورتالىعىنىڭ جەتەكشىسى, تاريح ماتەريالدارىن زەرتتەۋ جونىندەگى رەسپۋبليكالىق اقپاراتتىق ورتالىقتىڭ ديرەكتورى, يۋنەسكو «عىلىم جانە رۋحانيات» كافەدراسىنىڭ مەڭگەرۋشىسى, قر ۇعا كوررەسپوندەنت مۇشەسى, تاريح عىلىمدارىنىڭ دوكتورى, پروفەسسور م. ابۋسەيىتوۆا, «ازامات الەۋەتى» جەكە قايىرىمدىلىق قورىنىڭ پرەزيدەنتى, فيلولوگيا عىلىمدارىنىڭ كانديداتى ا.Cەيسەنوۆانىڭ باياندامالارىمەن جالعاسىن تاپتى.
كونفەرەنتسياعا قاتىسقان زيالى قاۋىم وكىلدەرى, تاريح جانە ەتنوگرافيا سالاسىنىڭ ماماندارى, قالا كوللەدجدەرىنىڭ ستۋدەنتتەرى مەن ۇكىمەتتىك ەمەس ۇيىمدار مۇشەلەرى بايانداماشىلارعا سۇراقتار قويىپ, ءوز ويلارىمەن ءبولىستى.
كونفەرەنتسيانى قورىتىندىلاي كەلە « ۇلى دالانىڭ جەتى قىرى» ماقالاسى اياسىندا حالقىمىزدىڭ تاريحىن زەرتتەۋگە, جاڭا قىرىنان تانىتۋعا, جاستاردى وتانسۇيگىشتىككە تاربيەلەۋگە جانە ت.ب. باعىتتالعان ۇسىنىستار قابىلداندى.
شارا اياسىندا ۇلتتىق كىتاپحانا ماماندارىنىڭ ۇيىمداستىرۋىمەن « ۇلى دالانىڭ جەتى قىرى» تاقىرىبىندا كورمە كوپشىلىك نازارىنا ۇسىنىلدى.
