قوعام • 23 قازان، 2019

تۇڭعىش ءتىل فورۋمى وتەدى

103 رەتكورسەتىلدى

ءالى كۇنگە دەيىن قوعامدىق ءومىرىمىزدىڭ بارلىق سالاسىندا كۇندەلىكتى قولدانىس قۇرالى بولا الماي وتىرعان قازاق ءتىلىنىڭ بۇگىنگى جاعدايى قاي-قايسىمىزعا دا جاقسى ءمالىم. وسى ورايدا مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا «قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى»، دەپ مالىمدەۋى الداعى جىلدار كەزەڭىنە جاڭا مىندەتتەر جۇكتەگەنى راس. ەلىمىزدە عىلىم، ءبىلىم، بيزنەس، مەديا سىندى الپاۋىت سالا ماماندارى باس قوسىپ، تۇڭعىش رەت ءتىل فورۋمىن وتكىزبەك. 

پرەزيدەنت جانىنداعى ورتا­لىق كوممۋنيكاتسيا قىزمە­تىندە وتكەن بري­فينگ­­تە «جاھاندانۋ جانە ۇلت­تا­­نۋ ۇدەرىسىندەگى قازاق ءتىلى­نىڭ ومىرشەڭدىگى» اتتى رەس­پۋب­ليكالىق ءتىل فورۋم­ى­ن­ىڭ ماڭىزى، مەملەكەتتىك مارتەبەگە يە بولعان قازاق ءتىلىنىڭ كەلەشەگىن ايقىنداۋ ماقساتى جان-جاقتى تار­قا­تىلدى. مادەنيەت جانە سپورت ۆيتسە-ءمينيسترى نۇرعيسا داۋەشوۆ ۇلت بىرلىگىن نى­عاي­­تۋدىڭ ماڭىزدى فاكتورى رەتىندە سانالاتىن قازاق ءتىلىن مەملەكەتتىك قىز­مەت جانە قوعامدىق-ساياسي، الەۋ­مەت­تىك كاسىپكەرلىك سالا­سى­­نىڭ بارلىعىندا دا باتىل قولدانىسقا ەنگىزىپ، قازاق­ستاندىقتاردىڭ ومىر­لىك قاجەتىنە اينالدىرۋ قولعا الىنىپ وتىرعان مەم­لە­كەت­تىك باعدارلامانىڭ باس­تى ستراتەگيالىق ماقساتى ەكەن­دى­گىن ايتىپ ءوتتى.

– 24 قازاندا وتەتىن ءتىل فورۋمىنىڭ باستى ماقساتى – قازاقستانداعى قازاق ءتىلىنىڭ بولاشاعى مەن كەلەشەگىن وركەندەتۋ، ورىستەتۋ. سونداي-اق تۇڭعىش پرەزيدەنت – ەلباسى تاپسىرماسىمەن قولعا الىنعان قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ ماسەلەسىنە باي­لانىستى كەزەڭ-كەزەڭىمەن اتقارىلعان جۇمىستاردى تال­قىلاۋ، الداعى باعىت-باع­دارىمىزدى انىقتاۋ. قازىر مادەنيەت جانە سپورت مينيس­ترلىگى مەن ء«تىل-قازى­نا» ۇلتتىق عىلىمي-پراكتي­كالىق ورتالىعى تاراپىنان كوپتەگەن قوعامدىق پىكىر­­لەرمەن ساناسۋ ماقسا­تىن­دا عالىمدارمەن، بۇقارا حالىقپەن كەزدەسۋلەر جانە تەرمينولوگيا، لاتىن ءالىپبيى بويىنشا وقىتۋ باعىتىندا باعدارلامالار جۇرگىزىلىپ جاتىر، – دەگەن ۆيتسە-مينيستر فورۋم اياسىندا جىل بويى اتقارىلعان جۇمىستار رەتىنىڭ تولىق ەسەبى بەرىلەتىنىن اتادى. ونىڭ ايتۋىنشا، فورۋم بارىسىندا جاڭا الىپبيگە نەگىزدەلگەن وقىتۋ جانە ۇيرەتۋ ادىستەمەلەرىن ازىرلەۋ، سونىمەن بىرگە لاتىن گرافيكاسىن IT تەحنولوگيالارعا اقپارات كەڭىستىگىندە بەيىم­دەۋ بو­يىنشا ساراپشىلار ازىرلەگەن ونىمدەر تانىس­تى­رىل­ماق.

مەملەكەتتىك ءتىلدىڭ قول­دانىس اياسىن كەڭەيتۋ ماسە­لە­لەرى تۋرالى ءسوز قوزعاعان شايسۇلتان شاياحمەتوۆ اتىن­دا­عى ء«تىل-قازىنا» ۇلتتىق عىلىمي-پراكتيكالىق ورتا­لى­عى» كەاق-نىڭ باس ديرەكتورى الىبەك اسقار اتالعان فورۋم جۇمىسىنا 500-گە تارتا ءتۇرلى سالا ماماندارى قاتى­ساتىنىن جەتكىزدى.

– ء«تىل-قازىنا» ۇلتتىق عىلى­مي-پراكتيكالىق ورتا­­لى­عى قازاق ءالىپبيىن كيريلليتسادان لاتىن گرافيكا­سى­نا كوشىرۋ بويىنشا بىرنەشە باعىتتا جۇمىستار جۇر­گىزىپ كەلەدى. ەڭ الدى­مەن ءالىپبي جانە ونىڭ ەملە ەرەجەلەرىنە بايلانىس­تى ساۋالناما، سىناما جۇمىس­تا­رىن جۇرگىزۋ قولعا الىنعان ەدى. ناتيجەسىندە حالىق كوزقاراسىنىڭ وڭ ەكەندىگى بايقا­لدى. ولارعا بوداندىق سانا­دان قۇتىلۋدىڭ ءبىر جولى سياقتى كورىنەدى. كوشە­گە شىقساڭىز دا جارناما، ءتۇرلى مەكەمە اتاۋلارى لاتىن قارپىمەن جازىلىپ جاتادى. فورۋمدا ءار وبلىس اتقارىلعان جۇمىستار رەتى بويىنشا وزىنشە ەسەپ بەرەتىن بولادى. سونىمەن قاتار ەملە ەرەجەلەرىن ۇيرەتۋ كۋرستارى ۇيىمداستىرىلىپ، مۇعالىمدەر مەن ادىسكەرلەرگە جاڭا ەملە بويىنشا ءتۇسىندىرۋ جۇمىستارى جۇرگىزىلىپ جاتىر. قىركۇيەكتەن باستاپ ورتالىقتىڭ جانىنان ەملە ەرەجەلەرىن ۇيرەتۋگە ارنالعان وقۋ سىنىپتارى اشىلدى. ورتالىقتىڭ باستى ماقساتى – جاڭا ءالىپبيدى مەڭگەرگەن بىلىكتى ماماندار دايارلاۋ، – دەپ تۇيىندەدى ءسوزىن.

فورۋمدا ءالىپبي مەن قازاق ءتىلىن وڭاي ءارى ءتيىمدى جولمەن ۇيرەتەتىن زاماناۋي ينتەراك­تيۆ­تى قۇرالداردىڭ كورمەسى وتەدى. سەكتسيا جۇمىستارى عىلىم، ءبىلىم جانە ءتىل; بيزنەس جانە ءتىل; زاڭ جانە ءتىل; باق جانە ءتىل; مەملەكەتتىك ءتىل بولاشاعى – جاستار بولاشاعى; وڭىرلەردەگى تىلدىك احۋالدى تالداۋ سىندى بىرنەشە باعىت­تار­دى قامتيتىن بولادى.

– وزدەرىڭىزگە ءمالىم، تاريحتا ءتىل فورۋمى دەگەن دۇنيە بۇرىن-سوڭدى بولماعان. تۇڭ­عىش رەت وتكەلى وتىرعان فورۋمدا ءتىل ماماندارى مەن وسى سالانىڭ ساراپشىلارىن عانا شاقىرمايمىز، مەم­لە­كەت­تىك ءتىلدىڭ قۇ­جات­تار، ءىس-قاعاز­دار جۇرگىزۋ سالا­سىن­داعى ماسەلەلەرى شاش ەتەك­تەن. سول سياقتى بيزنەس ورتا قازاقشا سويلەمەي مەملە­كەت­تىك ءتىل ءوز تۇعىرىنان كورىن­بەي­تىنىنە كوزىمىز جەتتى. قو­ر­دالانعان ماسەلەردى شەشۋ ءۇشىن بيزنەس پەن مەملەكەت اراسىنداعى بايلانىس­تى­رۋشى «اتامەكەن» كاسىپكەر­لەر پالاتاسى سىندى ءىرى ۇيىم وكىلدەرىن شاقىرىپ، بىرگە تالقىلايمىز، – دەيدى شايسۇلتان شاياحمەتوۆ اتىن­­داعى ء«تىل-قازىنا» ۇلت­تىق عىلىمي-پراكتيكالىق ورتا­لى­عى» كەاق-نىڭ عالىم حاتشىسى انار فازىلجان.

سەكتسيالىق جۇمىستار بارى­سىندا مەملەكەتتىك ءتىل­دىڭ بيزنەس، عىلىم، ءبىلىم، باق سالالارىنداعى قولدا­نى­سىن كەڭەيتۋ، قازاق ءتىلىن مەڭگەرتۋدىڭ زاماناۋي ادىس­تە­مەسى، جاڭا ءالىپبي ەملە­سى­نە قاتىستى ماسەلەلەر بويىنشا پىكىرتالاس وتەدى.

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار