قوعام • 23 قازان، 2019

كەدەرگىسىز كەلەشەك

43 رەتكورسەتىلدى

ەلىمىزدە سوڭعى بىرنەشە جىلدان بەرى ينكليۋزيۆتى ءبىلىم بەرۋدى جۇزەگە اسىرىپ كەلە جاتقان مەكتەپكە دەيىنگى جانە جالپى ءبىلىم بەرۋ ۇيىمدارى كەشەندى ءىس-شارالاردى بەلسەنە اتقارىپ كەلەدى. سونىڭ ءبىر ايعاعى رەتىندە جۋىردا نۇر-سۇلتان قالاسىندا «شەكارالاردى كەڭەيتە وتىرىپ – الەمدى اشامىز» اتتى بالالار فەستيۆالى ءوتتى. اتالعان حالىقارالىق جيىنعا قازاقستان، تۇركيا، ازەربايجان ەلدەرىنەن كەلگەن ەرەكشە مۇقتاجدىقتارى بار ەلۋگە تارتا بالا قاتىستى.

بالالاردىڭ تۇلعالىق جانە الەۋمەتتىك بەيىمدەلۋىن جۇزەگە اسىرۋدى ماقسات ەتكەن فەستي­ۆال­دى نۇر-سۇلتان قالاسى اكىمدى­گى­نىڭ ءبىلىم بەرۋدى جاڭعىرتۋ ورتا­لى­عى مەن №10 مەكتەپ-گيمنازيا­سى ۇيىم­داستىرىپ وتىر.

فەستيۆالدىڭ العاشقى كۇنى بالالار مادەنيەت پەن تاريحتىڭ وشاعى سانالاتىن قالانىڭ مادە­ني ورىندارىن ارالاسا، ەكىنشى كۇن سپورتتىق ساۋىقتىرۋ شارا­لا­رىمەن جالعاستى. ۇلتتىق مۋ­­زەيدە ارنايى ەكسكۋرسيادان كە­يىن «ۇلتتىق ويۋ-ورنەك ونەرى» جانە «كيىز باسۋ» اتتى شەبەرلىك سا­­عاتتارى ءوتتى. كىشى عىلىمي قىز­­مەتكەرلەر زۋحرا بايانوۆا، كەنجەگۇل سەيىتجانوۆا سىندى بىلىكتى ماماندار بالالارعا حال­قى­مىزدىڭ قولونەر قازىناسى – كيىز تۋرالى بايانداپ، كيىز باسۋ­دىڭ جاڭا تەحنولوگياسىمەن تا­نىس­­تىرىپ، ءجۇندى كيىز باسۋ تەح­ني­كاسىندا پاننونى وزدىگىمەن دايىن­داۋدى ۇيرەتتى.

مۋزەي مەن ءبىلىم بەرۋ مەكە­مە­لەرىنىڭ ىقپالداستىعىنا باعىت­تال­­عان ءبىلىمنىڭ گۋمانيتارلى جا­ڭارۋى باعىتىندا اۋقىمدى جوبا­لاردى بىرنەشە جىلدان بەرى ۇسىنىپ كەلە جاتقان ۇلتتىق مۋزەيدىڭ پەداگوگيكا جانە بالالار شىعارماشىلىعى ءبولىمىنىڭ جە­تەك­شىسى گاۋحار سادىباي «كوش­پەلىلەردىڭ عالامات ونەر تا­بى­سى – قازاقتىڭ كيىز ءۇيى ار­قى­­­لى وقۋشىلارعا كوپ نار­سە­­نى جەتكىزۋگە ارەكەتتەندىك. قاسيەتتى شاڭىراقتىڭ ەرەكشە­لىك­­تەرى ار­قى­لى تاريحقا، مادە­نيەت­كە دەگەن قۇرمەت سەزىمىن قالىپ­تاس­تى­رۋ­عا تىرىستىق»، دەيدى.

ال ازەربايجاننان كەلگەن پەداگوگ افەت اشۋموۆا – زاعيپ جانە ناشار كورەتىن وقۋ­شى­لاردى وقىتۋ سالاسىندا 42 جىلدىق تاجىريبەسى بار بەدەلدى ۇستاز. بۇگىنگى فەستيۆالعا ءوزى ۇستاز­دىق ەتەتىن مەكتەپتىڭ بىرنەشە وقۋشى­سىن الا كەلىپتى. كوپتى كورگەن مامان وقۋشىنىڭ ءبىلىم الۋىن جالعاستىرۋعا جانە قوعامنىڭ تولىق­قاندى ومىرىنە ارالاسۋ ءۇشىن قا­جەتتى جالپى ءبىلىم بەرۋدىڭ ىرگەتا­سىنىڭ مىقتى بولعانىن دۇرىس دەپ بىلەدى. ويتكەنى بۇل جولدان ءوزى دە وتكەندىكتەن بولار، مۇمكىندىگى شەكتەۋلى وقۋشىنىڭ دامۋ ەرەكشەلىكتەرىن زەرتتەۋ، ءبىلىم بەرۋ پروتسەسىنە قوسۋدىڭ ءتيىمدى ءتۇرىن تاڭداۋدى ءبىر كىسىدەي تۇسىنەدى.

– مەن كورمەيتىن جانە ناشار كورەتىن بالالاردى وقىتاتىن مەكتەپتە جۇمىس ىستەيمىن. ءوزىم دە وسى مەكتەپ­تىڭ تۇلەگىمىن. كوزىمنىڭ كورمە­ۋى ومىردە، قىزمەتتە كوپ­تە­گەن بەلەستى باعىندىرۋىما كە­دەرگى بولعان جوق. سوندىقتان بالالاردى دا وپتيميستىك رۋحتا تاربيەلەۋگە، قيىندىقتاردان قايمىق­پاۋعا شاقىرامىن. كەز كەل­گەن كەدەرگىلەردى جەڭىپ شى­عۋ­دى، ارمان-ماقساتقا جەتۋدى ۇي­رەت­كىمىز كەلەدى، – دەيدى افەت حانىم.

مۇنداي حالىقارالىق جيىندار الەمدىك قوعامداستىقتا ساپالى بىلىمگە تەڭ قولجەتىمدىلىكتى جۇزەگە اسىرۋدىڭ ءتيىمدى مەحا­نيزم­دەرىنىڭ ءبىرى رەتىندە تانىلعان ينكليۋزيۆتى ءبىلىم بەرۋ جۇيەسىن جانداندىرۋدا اسا ماڭىزدى. تەحنيكالىق جانە كاسىپتىك ءبىلىم بەرۋ جۇيەسىنىڭ جاڭا فورماتسيا مۇعا­لىمى ساۋلە ساعىمباەۆانىڭ ايتۋىنشا، ينكليۋزيۆتى ءبىلىم بەرۋگە قولداۋ كورسەتىپ وتىرعان باسقا رەسۋرستىق ورتالىقتارمەن بايلانىس ورناتۋ مەن سەرىكتەستىك ءبىلىم بەرۋدى دامىتۋدىڭ ءتيىمدى جولدارىن ىسكە اسىرۋعا مۇمكىندىك بەرەدى.

– ينكليۋزيۆتى ءبىلىم بەرۋ ورتالىق­تارىنىڭ مۇمكىندىگىن كەڭەي­تۋدە ءدال بۇگىنگىدەي جيىن­دار وتە قاجەت. مۇنداعى تۇپ­كىلىكتى ماقسات – كوزى ناشار كورە­تىن جانە زاعيپ بالالاردى الەۋ­مەت­تەندىرۋ جانە ءوزىن ءوزى ىسكە اسىر­ۋى، تەز وزگەرەتىن الەمدە ءومىر سۇرۋگە ۇيرەتۋ. 2015 جىلى استانا­داعى №10 مەكتەپ-گيمنازياسىندا كوزى ناشار كورەتىن جانە زاعيپ بالالارعا ارنالىپ سىنىپتار اشىلدى. قازىر 170-تەن استام وقۋشى ءبىلىم الىپ جاتىر، – دەدى جيىننىڭ ۇيىم­داس­تىرۋشىسى، پەداگوگ ساۋلە ساعىمباەۆا.

كەيىنگى جىلدارى ازىرلەنگەن قۇقىق­تىق نورماتيۆتەر، قوعام­دا جۇرگىزىلگەن بەلسەندى اعارتۋ جۇمىستارى ينكليۋزيۆتى ءبى­لىم بەرۋدىڭ قازاقستاندىق تاجىري­بە­سى­نىڭ دامۋىنا جان-جاقتى ىقپال ەتكەنى راس. دەگەنمەن ماماندار اتالعان ءبىلىم بەرۋ تاجىريبەسىن كەڭىنەن تاراتۋ قارقىندى عى­لى­مي ادىستەمەلىك، كادرلىق جانە ماتەريالدىق-تەحنيكالىق قول­داۋ­دى قاجەت ەتەتىندىگى ءالى دە ەسكە­رەتىن جايت ەكەنىن ايتادى.

 

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار