قۇرىلعان جۇمىس ورىندارىنىڭ 214,4 مىڭى – تۇراقتى, 117,6 مىڭى – ۋاقىتشا جۇمىس ورنى.
ەكونوميكالىق قىزمەت تۇرلەرى بويىنشا ەڭ كوپ قۇرىلعان جۇمىس ورىندارى كوتەرمە جانە بولشەك ساۋدا سالاسىندا – 35,8 مىڭ, 32,9 مىڭ – قۇرىلىس سالاسىندا, 31,2 مىڭ – اۋىل, ورمان جانە بالىق شارۋاشىلىقتارىندا.
جۇمىس ورىندارىنىڭ باسىم بولىگى الماتى (42,3 مىڭ), قاراعاندى (31 مىڭ) وبلىستارىندا جانە الماتى قالاسىندا (36,4 مىڭ).
ەڭ از سانى قىزىلوردا (9,6 مىڭ), اقمولا (10,3 مىڭ) جانە باتىس قازاقستان (10,8 مىڭ) وبلىستارىندا قۇرىلعان.
بۇگىنگى تاڭدا جۇمىس ورىندارىن قۇرۋ نەگىزىنەن مەملەكەتتىك باعدارلامالار, اۋماقتاردى دامىتۋ باعدارلامالارى, ينۆەستيتسيالىق جوبالار, شاعىن جانە ورتا بيزنەستى دامىتۋدى ىنتالاندىرۋ جونىندەگى باعدارلامالارى اياسىندا جۇزەگە اسىرىلاتىنىن اتاپ وتكەن ءجون.
ەستەرىڭىزگە سالا كەتەيىك, ەڭبەك جانە حالىقتى الەۋمەتتىك قورعاۋ مينيسترلىگى جۇمىس ورىندارىن قۇرۋ مونيتورينگىن جۇزەگە اسىرۋدىڭ جاڭا ەرەجەلەرىن قابىلدادى. سونداي-اق ەڭبەكمينى «جۇمىس ورىندارىن قۇرۋدىڭ ينتەگراتسيالانعان كارتاسى» اقپاراتتىق جۇيەسىن ازىرلەگەن ەدى.
