قازاقستان • 22 قازان، 2019

2020 جىلى قازاقستاندا قانداي جولدار اقىلى بولادى؟

48 رەتكورسەتىلدى

يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتىنىڭ توراعاسى سايرانبەك بارماقوۆ PrimeMinister.kz-كە بەرگەن سۇحباتىندا رەسپۋبليكالىق ماڭىزى بار بىرقاتار اۆتوجولداردا جول جۇرگەنى ءۇشىن اقى الۋ جۇيەسىن ەنگىزۋ بويىنشا اتقارىلىپ جاتقان جۇمىستار جايلى ايتىپ بەردى. 

 ونىڭ ايتۋىنشا، بۇگىندە قازاقستاندا 682 شاقىرىم اۆتوجول — اقىلى. بۇلار —  نۇر-سۇلتان – تەمىرتاۋ، نۇر-سۇلتان – ششۋچينسك، الماتى – قورعاس جانە الماتى –   قاپشاعاي باعىتتارى.

«اقىلى جولدان تۇسكەن اقشا تولىعىمەن وسى جولداردى قامتاماسىز ەتۋگە جۇمسالادى. بۇرىن ولاردى قامتۋعا رەسپۋبليكالىق بيۋدجەتتەن قاراجات بولىنەتىن. جىل باسىنان بەرى ءبىز وسى ءتورت اقىلى جولدان 4 ملرد 130 ملن تەڭگە جينادىق»، — دەدى كوميتەت توراعاسى.    

سونىمەن قاتار ول قازىرگى ۋاقىتتا رەسپۋبليكالىق ماڭىزى بار اۆتوموبيل جولدارىنىڭ 11 مىڭ شاقىرىمىنا اقىلى جۇيەنى ەنگىزۋ ماسەلەسىن قاراستىرىلىپ جاتقانىن ايتتى. ونىڭ ىشىندە 2020 جىلى — 5،9 مىڭ شاقىرىمىندا، 2023 جىلعا دەيىن قالعان 5 مىڭ شاقىرىمىندا اقىلى جۇيەنى ەنگىزۋ جوسپارلانعان. 

وسى جىلدىڭ شىلدەسىندە «قازاۆتوجول» ۇك» اق اقىلى جۇيەنى ەنگىزۋگە ينۆەستيتسيالىق كونكۋرس جاريالادى. جىل سوڭىنا دەيىن كونكۋرس قورىتىندىسىن شىعارىپ، ينۆەستورمەن كەلىسىم جاساسۋ كوزدەلگەن. 

2020 جىلى «باتىس ەۋروپا – باتىس قىتاي» ءدالىزى، ششۋچينسك – پەتروپاۆل جول ۋچاسكەسى، ومبى – پاۆلودار جانە نۇر-سۇلتان – قوستاناي – رف شەكاراسىنا دەيىنگى جول اقىلى نەگىزگە كوشىرىلەدى.

الدىن-الا ەسەپتەۋلەر بويىنشا، اقىلى جولداردان الىمدار جىلىنا 40 ملرد تەڭگەنى قۇرايتىن بولادى، بۇل اۆتوموبيل جولدارىنىڭ ءوزىن-ءوزى قامتۋعا كوشۋگە مۇمكىندىك بەرىپ، ينۆەستوردىڭ تولەماقى الۋ جۇيەسىن ەنگىزۋگە جۇمساعان شىعىنىن جابۋدى قامتاماسىز ەتەدى. وسىلايشا، جوبا ءوزىن-ءوزى اقتايتىن بولادى جانە مەملەكەتتىك بيۋدجەتكە سالماق تۇسىرمەيدى. 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار