الەم • 22 قازان، 2019

جاپون يمپەراتورى تاققا وتىرادى

189 رەت كورسەتىلدى

بۇگىن سەيسەنبىدە جاپونيانىڭ جاڭا يمپەراتورى نارۋحيتونىڭ تاققا وتىرۋ ءراسىمى وتەدى. سالتا­ناتتى شاراعا الەمنىڭ 200 ەلىنىڭ كوشباسشىلارى مەن قۇرمەتتى قوناقتار قاتىسادى.

وسىدان التى اي بۇرىن مامىر ايىندا جاپونيانىڭ بۇرىنعى يمپەراتورى اكيحيتو تاقتان ءوز ەركىمەن باس تارتقان ەدى. ونىڭ ورنىنا 59 جاس­تاعى ۇلى نارۋحيتو وتىردى. جا­پونيا تاريحىندا سوڭعى 200 جىلدا العاش رەت باسقارۋشى كوزى تىرىسىندە بيلىكتى مۇراگەرىنە تابىستادى. جاپون ءداستۇرى بويىنشا ەل تاريحىندا جاڭا باسقارۋشىمەن جاڭا ءداۋىر كەلەدى. وسىلايشا نارۋحيتو يمپەراتورىنىڭ بيلىك ەتەتىن ۋاقىتى رەيۆا دەپ اتالدى، بۇل جاپون تىلىندە «گۇلدەنگەن الەم» دەگەندى بىلدىرەدى. نارۋحيتو مامىر ايىنان باستاپ بيلىكتى ءوز قولىنا العانىمەن، حريزانتەما تاعىنا رەسمي تۇردە بۇگىن وتىرادى. اتالعان كۇن ەلدەگى بيلىك اۋىسۋىن رەتتەيتىن ەجەلگى جاپون جىل ساناعىنا سايكەس تاڭدالعان. مەرەكەنى اتاپ ءوتۋ ءۇشىن جاپون حالقىنا 22 قازاندا ءبىر كۇندىك دەمالىس بەرىلدى.

جاپونيانىڭ مينيسترلەر كابينەتى اتاۋلى كۇندە يمپەراتورعا ەرەكشە سىيلىق تابىس ەتپەك. ءمۇسىندى ما­دە­نيەت ىستەرى اگەنتتىگىنىڭ باسشىسى جا­نە ءمۇسىنشى ريوحەي مياتا جاساعان. «Springen»، نەمىسشە «سەكىرۋ» دەپ اتالاتىن 45-سانتيمەترلىك تۋىندىدا مۇحيت تولقىنىندا جۇزگەن دەلفيندەر بەينەلەنگەن. اۆتوردىڭ ايتۋىنشا، بۇل جاڭا داۋىرگە اياق باسقان ۇلت ءۇشىن بەيبىتشىلىك پەن ءۇمىتتىڭ بەينەسىن بىلدىرەدى. جاپونيا يمپەراتورىن تاققا وتىرعىزۋ ءجيى بولا بەرمەيتىن ءراسىم بولعاندىقتان، جاپون جانە الەم جۇرتشىلىعى ءۇشىن بۇل – تاريحي ما­ڭىزى بار وقيعا.

مۇراگەر حانزادا نارۋحيتوعا بيلىكتى العاننان كەيىن يمپەراتور سارايىندا سالتاناتتى راسىمدە بيلەۋشى مونارحتىڭ ء«ۇش قاسيەتتى قازىناسىن» –قولا اينا، ياشمادان جاسالعان القا جانە قىلىش تابىس ەتىلدى. ەجەلگى جاپون دىنىنە سايكەس، بۇل ءۇش زات دانالىق، گۇلدەنۋ مەن باتىلدىقتى بىلدىرەدى ەكەن. وسى ساتتەن باستاپ نارۋحيتو مو­نارح اتانىپ، ەل بيلەۋشىسى رەتىندە حالىققا ۇندەۋ جاسادى، سونداي-اق ول پرەمەر-مينيستر، پارلامەنت سپيكەرى مەن جوعارعى سوت توراعاسىن قابىلدادى. بۇرىنعى يمپەراتور اكيحيتو تاقتان باس تارتقانعا دەيىن 2016 جىلدان باس­تاپ بارلىعى 11 ءدىني جانە ءداستۇرلى سالت جورالارىن جاساعان.

زاڭعا سايكەس، مونارح وتباسىندا ساياسي بيلىك بولماعانىمەن حالىق اراسىندا پاتشا وتباسىنا ۇلت تۇتاستىعى مەن ەل بىرلىگىنىڭ بەلگىسى رەتىندە ەرەكشە قۇرمەت كورسەتىلەدى. جاپونيا پات­شاسىنىڭ وتباسى الەمدەگى ەڭ كونە مو­نارحيالاردىڭ ءبىرى بولىپ سانالادى.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار