قازاقستان • 21 قازان، 2019

نان بولسا، ءان بولادى

17 رەتكورسەتىلدى

قازاق داستارقانىندا اس اتاسى – نان. قۇرامىندا دارۋمەندەردىڭ 70 پايىزعا جۋىعى بار تاعامنىڭ مەملەكەتتىڭ ستراتەگيالىق باعدارلاماسىندا ساپاسى مەن ەكولوگيالىق قاۋىپسىزدىگىنە وراي ناقتى مىندەتتەر قويىلعان.

بۇگىندە استىقتى ەل سانالاتىن قازاقستاننىڭ سوڭعى بەس جىلداعى كورسەتكىشتەر بويىنشا جيناعان استىعى 19 ملن توننانى قۇراپ وتىر. ونىڭ شامامەن ازىق-ت ۇلىك، جەم، تۇقىم، وندىرىستىك وڭدەۋ باعىتىندا 5-6 ملن تونناسى ىشكى قاجەتتىلىكتەرگە جۇمسالادى ەكەن. ال ەكسپورتقا شىعاتىن استىق كولەمى 7 ملن توننانى قۇرايدى. الماتىداعى «اقساي نان» كومبيناتىندا وتكەن نان مەرەكەسى بارىسىندا اۋىل شارۋاشىلىعى مينيسترلىگىنىڭ جاۋاپتى حاتشىسى مارات ورازاەۆ وسىنداي مالىمەتتەرمەن بولىسە كەلە ىشكى نارىق استىققا ءزارۋ ەمەس دەپ اتاپ ءوتتى. نان وندىرەتىن كاسىپورىندار ۇنمەن تولىق قامتاماسىز ەتىلۋدە. بىراق وڭىرلەردە نان باعاسى تۇراقتى ەمەس. وسى تۇرعىداعى سۇراعىمىزعا وراي مينيسترلىك وكىلى نان باعاسىنىڭ تۇراقتىلىعى مەملەكەت تاراپىنان قاداعالانىپ وتىرعانىن جەتكىزدى. قازىرگى كەزدە الەۋمەتتىك ناننىڭ باعاسى 76،1 تەڭگەنى قۇرايدى. ايماقتىق اكىمدىكتەر جانىنان تۇراقتاندىرۋ قورلارى جۇمىس ىستەيتىن بولسا، رەسپۋب­ليكا دەڭگەيىندە ازىق-ت ۇلىك كورپوراتسياسى جىلىنا 320-350 مىڭ توننا 3 سۇرىپتى بيداي ساتىپ الادى. سول بيدايدىڭ ەسەبىنەن نان زاۋىتتارىنىڭ قاجەتتىلىكتەرى وتەلەدى. سوندىقتان دا ەكسپورتتىق الەۋەتىمىزدى شەكتەۋدىڭ ەش قيسىنى جوق، دەپ اتاپ ءوتتى م.ورازاەۆ.

ال الماتى قالاسىنىڭ تۇرعىندارى كۇنىنە تۇتىناتىن 135 توننا الەۋمەتتىك ناننىڭ 60 پايىزى «اقساي نان» كومبيناتىندا وندىرىلەدى. جوعارىدا اتاپ وتكەنىمىزدەي، وڭتۇستىك استانادا دا نان باعاسى ءوستى. وسى ساۋالىمىزعا وراي الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين ء«تيىستى مەكەمەلەرمەن جاسالعان كەلىسىمدەر نەگىزىندە الەۋمەتتىك نان باعاسى قىمباتتامايدى» دەپ اتاپ ءوتتى. قازىرگى كەزدە ستاتيستيكا مەكەمەلەرى نان كاسىپورىندارىمەن نان باعاسىن تۇراقتاندىرۋ جونىندە كەلىسىمدەر جاساعان. سونداي-اق قالادا ارنايى كوميسسيا قۇرىلىپ، الەۋمەتتىك نان باعاسىن قىمباتتاتپاۋدىڭ جولدارى مەن ۇن وندىرەتىن ءىرى كاسىپورىندارمەن كەلىسىمشارتتار نەگىزىندە سۋبسيديالار دا قاراستىرىلۋدا.

بۇگىندە وندىرىسىندە 1200-دەن اسا مامان ەڭبەك ەتەتىن وتىز جىلدان استام تاريحى بار «اقساي نان» كومبيناتىنىڭ وتاندىق نارىقتاعى بەدەلى جوعارى. مۇندا جىلىنا 45 مىڭ تونناعا دەيىن نان-توقاش ونىمدەرى وندىرىلەدى. ەكونوميكالىق جوسپارلاۋ ءبولىمىنىڭ باسشىسى سالتانات شۇكىروۆانىڭ ايتۋىنشا، كۇنىنە 80 توننا نان ونىمدەرى شىعاتىن بولسا، ونىڭ 50 پايىزىن الەۋمەتتىك نان ونىمدەرى قۇرايدى. «اقساي نان» ونىمدەرى الماتى قالاسى عانا ەمەس، ەلىمىزدىڭ بارلىق ايماقتارىن قامتاماسىز ەتەدى. ساقتاۋ مەرزىمى شەكتەلگەن نان ونىمدەرى قالا ماڭىنداعى ەلدى مەكەندەرگە جەتكىزىلەدى. مامان ماسەلەسىندە مۇقتاجدىق جوق دەپ اتاپ وتكەن س.شۇكىروۆا الماتى تەحنولوگيالىق ينستيتۋتىمەن قاتار قالاداعى كوللەدجدەر، ليتسەيلەر تۇلەكتەرىمەن قاتار ىشكى وقىتۋ جۇيەسى ارقىلى ماماندار وقىتىلاتىندىعىن اتاپ ءوتتى.

رەسپۋبليكا ايماقتارىندا تويلانعان نان كۇنىنە وراي كومبيناتتىڭ ۇزدىكتەرى ماراپاتتالدى. سالتاناتتى شارا بارىسىندا اۋىل شارۋاشىلىعى مينيسترلىگىنىڭ جاۋاپتى حاتشىسى مارات ورازاەۆ، الماتى قالاسى اۋەزوۆ اۋدانىنىڭ اكىمى سايران سايفەدەنوۆ مامانداردى العىس حاتتارمەن ماراپاتتادى. اۋدان اكىمى س.سايفەدەنوۆ بيىلعى جەتىستىكتەرگە توقتالىپ، اۋدانداعى كاسىپورىندار، مەكەمەلەر جۇمىسى جايىندا ايتىپ ءوتتى. سونداي-اق «اقساي نان» كومبيناتىنىڭ اۋدان دامۋىنداعى ۇلەسىنىڭ دە ايرىقشا ەكەندىگىنە توقتالدى. سالتاناتتى شارا سوڭى ونەرپازداردىڭ ءان-بيىنە ۇلاستى.

 

الماتى

 

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار