جۇمىس كۇنى باستالعانعا دەيىن ەلوردا اكىمى التاي كولگىنوۆ №51 جانە №52 مەكتەپتەرى اۋماعىنداعى ەكى جاڭا كورپۋستىڭ قۇرىلىس بارىسىمەن تانىستى. ءبىرىنشى نىسان - №52 مەكتەپ (بۋراباي كوشەسى) بولدى. جاڭا ءبىلىم بەرۋ نىسانى 1200 ورىنعا ەسەپتەلگەن. قازىر وقۋشىلار سانى 1,5 مىڭدى قۇرايدى.
ەكىنشى نىسان №51 مەكتەپ (امان كوشەسى) بولدى. مەكتەپتە 2870 وقۋشى وقيدى, الايدا گيمنازيا 1200 ورىنعا ەسەپتەلگەن. جاڭا كورپۋس قوسىمشا 300 وقۋشى ورنىمەن قامتيدى. نىسانداردى تاپسىرۋ مەرزىمى-كەلەسى جىلى.
قالا اكىمى ا.كولگىنوۆ قۇرىلىستىڭ مەرزىمىندە اياقتالۋىنىڭ, ساپالى قۇرىلىس پەن اۋماقتى كوركەيتۋدىڭ ماڭىزدىلىعىن اتاپ ءوتتى. كەشەندى جوسپار اياسىندا 5 جىل ىشىندە 50 مەكتەپ سالۋ جوسپارلانعان. (ولاردىڭ 10-ى جاڭا كورپۋستار).
