ۇكىمەت • 18 قازان، 2019

قازاقستان جانە ۋرۋگۆاي سىرتقى ىستەر مينيسترلەرىنىڭ العاشقى كەزدەسۋى ءوتتى

16 رەتكورسەتىلدى

2019 جىلعى 17 قازان – قازاقستاننىڭ سىرتقى ىستەر ءمينيسترى مۇحتار تىلەۋبەردى ۋرۋگۆايدىڭ سىرتقى ىستەر ءمينيسترى رودولفو نين نوۆوامەن كەزدەسۋ وتكىزدى جانە بۇل ەكىجاقتى قارىم-قاتىناستار تاريحىنداعى وسى لاتىنامەريكالىق ەلدىڭ سىرتقى ساياسي ۆەدومستۆوسى باسشىسىنىڭ قازاقستانعا جاساعان ەڭ العاشقى ساپارى شەڭبەرىندە ءوتتى. بۇل تۋرالى سىرتقى ىستەر ءمينيسترىنىڭ ءباسپاسوز قىزمەتى حابارلادى.

كەلىسسوزدەر اياسىندا مينيسترلەر قازاقستان مەن ۋرۋگۆاي اراسىنداعى قارىم-قاتىناستاردىڭ دامۋىنداعى وڭ سەرپىندى اتاپ ءوتىپ، ەكىجاقتى كۇن ءتارتىپتىڭ وزەكتى ماسەلەلەرىن تالقىلادى، ساياسي ديالوگتى نىعايتۋدىڭ قاجەتتىلىگىن راستادى، سونداي-اق حالىقارالىق جانە وڭىرلىك ماسەلەلەر بويىنشا پىكىر الماستى.

تاراپتار ەۋرازيالىق ەكونوميكالىق وداق پەن مەركوسۋر اراسىندا، سونداي-اق ء«بىر بەلدەۋ – ءبىر جول» باستاماسى شەڭبەرىندە ىنتىماقتاستىقتى نىعايتۋ پەرسپەكتيۆالارىن باسا ايتىپ، ساۋدا-ەكونوميكالىق جانە ينۆەستيتسيالىق باعىتتاردا ىقپالداستىقتى دامىتۋ ماڭىزدىلىعىنا نازار اۋداردى. 

قازاقستاننىڭ ءسىم باسشىسى شەتەل بيزنەس وكىلدەرىنە جاسالىپ جاتقان قولايلى جاعدايلارعا نازار اۋدارىپ، ۋرۋگۆايلىق تاراپتى اۋىل شارۋاشىلىعى سالاسىندا بىرلەسكەن جوبالاردى ىسكە اسىرۋعا جانە دەنساۋلىق ساقتاۋ مەن تۋريزم سالالارىندا تاجىريبە الماسۋعا شاقىردى. حالىقتارىمىز اراسىنداعى بايلانىستاردى كۇشەيتىپ، مادەنيەتتەرىمىزدى جاقىنداتۋ ماقساتىندا تاراپتار ۆيزالىق رەجيمدى ىرىقتاندىرۋ بويىنشا ءتيىستى كەلىسىمدەردى جاساسۋعا قولعابىس كورسەتۋگە ۋاعدالاستى.

سونىمەن قاتار مينيسترلەر كوپجاقتى فورماتتا دا ديالوگتى نىعايتۋعا مۇددەلى ەكەندىكتەرىن جەتكىزدى. يادرولىق قارۋدى تاراتپاۋ جانە حالىقارالىق تەرروريزمگە قارسى كۇرەسكە ەرەكشە نازار اۋدارا وتىرىپ، تاراپتار بۇۇ شەڭبەرىندە جاھاندىق قاۋىپسىزدىكتىڭ وزەكتى ماسەلەلەرى بويىنشا سىندارلى ءوزارا ىقپالداستىقتى جالعاستىرۋدىڭ ماڭىزدىلىعىن اتاپ ءوتتى.

ءوز كەزەگىندە، ر. نين نوۆوا مونتوۆيدەونىڭ نۇر-سۇلتانمەن سىندارلى جانە ءوزارا ءتيىمدى قارىم-قاتىناستى ودان ءارى نىعايتۋعا نيەتتى ەكەندىگىن راستاپ، قازاقستاننىڭ ءسىم باسشىسىن ۋرۋگۆايعا ساپار جاساۋعا شاقىردى.

سوڭعى جاڭالىقتار

ءجۇز جىل

100 • كەشە

تاپا تال تۇستەگى قاراقشىلىق

ايماقتار • 20 قاراشا، 2019

ۇقساس جاڭالىقتار