«بارىس» پەن «دينامو» اراسىنداعى ويىن اسا تارتىستى ءوتتى. كەزدەسۋدى تاماشالاۋعا كەلگەن 5 مىڭعا جۋىق جانكۇيەر ءۇش كەزەڭگە سوزىلعان باسەكەدە 7 گولدىڭ كۋاسى بولدى. ماتچتىڭ ءبىرىنشى كەزەڭىندە حوككەيشىلەر ءبىر-ءبىرىنىڭ قاقپاسىنا شايبا سوعا المادى. ەكىنشى كەزەڭنىڭ 25-مينۋتىندا ريحاردس مارەنيس مەرگەندىگىمەن كوزگە ءتۇسىپ, قوناقتاردى ەسەپتە العا شىعاردى. ارادا 6 مينۋت وتكەندە «بارىس» ساپىنان ءاليحان اسەتوۆ ەسەپتى تەڭەستىرىپ كەتتى. كەزەڭ اياقتالار تۇستا لاۋريس دارزينش تابلوداعى كورسەتكىشتى 1:2-گە جەتكىزدى.
ءۇشىنشى كەزەڭدە جەرلەستەرىمىز قارسىلاس كوماندانىڭ قاقپاسىنا ەكى شايبا سوعۋعا مۇمكىندىك الدى. 41-مينۋتتا رومان ستارچەنكو قاقپانى ءدال كوزدەسە, 54-مينۋتتا ءاليحان اسەتوۆ دۋبل اۆتورى اتاندى. قوناقتار ساپىنان كارتەر ەشتون ءبىر گولمەن جاۋاپ قاتىپ, ەسەپتى 3:3-كە جەتكىزدى. وسىلايشا ويىننىڭ نەگىزگى كەزەڭى تەڭ ەسەپپەن اياقتالدى. ال قوسىمشا ۋاقىتتىڭ ءۇشىنشى مينۋتىندا كريستاپس سوتنيەكستىڭ سوققان شايباسىنىڭ ارقاسىندا «دينامو» جەڭىسكە جەتتى. جەرلەستەرىمىز كەلەسى كەزدەسۋىن جەكسەنبى كۇنى ماسكەۋ وبلىسىنىڭ «ۆيتياز» كومانداسىنا قارسى وتكىزەدى.
