ايماقتار • 18 قازان، 2019

«ادالدىق الاڭى» ادامگەرشىلىككە باۋليدى

62 رەتكورسەتىلدى

ەلىمىزدە سىبايلاس جەمقورلىققا قارسى ءىس-قيمىلدىڭ جاڭا مودەلى قولدانىستا. سىبايلاس جەمقورلىقتان ازات قازاقستاندا تۇراتىن پاتريوت جانە باسەكەگە قابىلەتتى جاستاردى تاربيەلەۋ ماقساتىندا 2018-2020 جىلدارعا ارنالعان «سانالى ۇرپاق» جوباسى جۇزەگە اسىپ كەلەدى. جوبا اياسىندا جەمقورلىقسىز ورتا قالىپتاستىرا وتىرىپ، ەلىمىزدەگى ءبىلىم بەرۋ ۇيىمدارىنىڭ وزىق تاجىريبەلەرى ورتاق يگى ىسكە جۇمىلدىرىلۋدا.

مەملەكەت باسشىسىنىڭ وسى ماقساتتاعى تاپسىرمالارىن جۇزەگە اسىرۋعا بايلانىستى الماتى قالاسى بويىنشا سىبايلاس جەمقورلىققا قارسى كۇرەس دەپارتامەنتىنىڭ «الماتى – ادالدىق الاڭى» جوبالىق ءوفيسى قوعامدى ادامگەرشىلىكتىڭ ىزگى قاسيەتتەرىنە باۋلىپ، جاستاردى قايىرىمدى ىستەرگە شاقىرۋ، تاربيەلەۋ ماقساتىندا «ىزگىلىك ەلشىسى» جوباسىن جولعا قويدى. جوبانىڭ باس­تاماشىسى – سىبايلاس جەمقورلىققا قارسى ءىس-قيمىل اگەنتتىگى.

الماتى قالاسىنداعى جوعارى وقۋ ورىن­دا­رى­نىڭ باسشىلارىمەن ۇلتتىق كىتاپحا­نا­دا وتكەن كەزدەسۋدە الماتى قالاسى بويىنشا سىبايلاس جەمقورلىققا قارسى كۇرەس دەپارتامەنتىنىڭ باستىعى قايرات سۇنتاەۆ ءبىلىم بەرۋ ساپاسىن ارتتىرۋمەن قاتار، تۇلعالىق قاسيەتتەرگە تولى، ادامگەرشىلىگى جوعارى جاستاردى تاربيەلەۋدى ماقسات ەتەتىن ەلىمىزدىڭ جوعارى وقۋ ورىندارىنىڭ بۇل جوبانى جۇزەگە اسىرۋعا قولداۋ كورسەتۋى اسا ماڭىزدى ەكەندىگىن اتاپ ءوتتى. جوبانىڭ مەملەكەت باسشىسى تاراپىنان تىكەلەي قولداۋ تاپقان­دىعىن جەتكىزگەن ق.سۇنتاەۆ جوعارى وقۋ ورىن­دارى باسشىلارىن بىرلەسە جۇمىس ىستەپ، قوعامدى ىزگىلەندىرۋگە شاقىرىپ، ءسوز كەزەگىن جوبانىڭ ۇيلەستىرۋشىسى اينۇر سابيتوۆاعا ۇسىندى. جۇزەگە اسا باستاعان ساناۋلى كۇندەردىڭ ىشىندە جوبا ەرىكتىلەرى 18 كومەككە ءزارۋ وتباسىنا قولداۋ كورسەتكەن. ولاردىڭ قاتارىندا كوپ بالالى جانە مۇگەدەك بالا اسىراپ وتىرعان وتباسىلار بار. قازىرگى كەزدە «ىزگىلىك ەلشىسىنىڭ» ەرىكتىلەرى رەتىندە 120-دان استام جاس تىركەلىپتى. اينۇر ءسابيتوۆا جوباعا قاتىسۋعا ىنتالى ەرىكتىلەردى وقىتۋ ماسەلەسىن قوزعاپ، izgi.kz سايتىنىڭ جۇمىسىمەن تانىستىرىپ ءوتتى.

ءبىلىم جانە عىلىم ۆيتسە-ءمينيسترى رۇستەم بيعاري الماتى قاشاندا ستۋدەنتتەر قالاسى بولعاندىعىنا توقتالىپ، يگى شاراعا جوعارى وقۋ ورىندارى ناۋقانشىلدىقسىز، باسەكەسىز باراتىنىنا سەنىم ءبىلدىردى. ەرىكتى كومەك ءاربىر ازاماتتىڭ قالاۋىمەن، مەيىرىمىنەن تۋىنداۋى قاجەت ءارى ۇيىمداسقان تۇردە جۇزەگە اسقانى ابزال.

ەلىمىزدە ەرىكتىلەر قوزعالىسىنىڭ وتىز جىلعا جۋىق تاريحى بار. بۇگىندە قۇرامى جاستاردان تۇراتىن «ەرىكتىلەر ليگاسى» جۇمىس ىستەپ كەلەدى. كوپتەگەن قوعامدىق ۇيىمداردىڭ وسى باعىتتاعى شارالارى ناتيجەلى ىستەرىمەن ايشىقتالۋدا. Nur Otan پارتياسىنىڭ دا قابىلداۋ بولمەلەرى ازاماتتاردىڭ ۇسىنىس-پىكىرلەرىن دامىلسىز قابىلداپ كەلەدى. الماتى قالاسى قوعامدىق كەڭەسىنىڭ مۇشەسى راحمان الشانوۆ بۇل ىستە ناقتى ءبىر جۇيە كەرەكتىگىن ايتادى. ءار باستاعان ءىستىڭ ارنايى تۇجىرىمداماسى جاسالۋى شارت. الەۋمەتتىك كومەك كورسەتۋدىڭ استارىندا كوزگە كورىنبەيتىن، ەرىكتىلەر عانا بەتپە-بەت كەلەتىن جاعدايلار كەزدەسەدى. وسى ورايدا ەرىكتىلەردىڭ جولاقىسى، قاۋىپسىزدىگى، تاماقتانۋ ماسەلەسى دە ەسكەرىلۋى كەرەك. وتىز جىلعا جۋىق تاجىريبە جيناقتاعان ەرىكتىلەر قوزعالىسىندا ءالى دە جەتىلدىرەتىن، جەتىسپەيتىن تۇستارى بار. وسى جىلداردا وزىق تاجىريبەلەر جيناقتالعانىمەن دە، اقىلداسا جۇمىس ىستەگەن ابزال.

 «الماتى – ادالدىق الاڭى» جوبالىق ءوفيسىنىڭ جەتەكشىسى ا.براتەنكوۆ، «Sanaly urpaq» جوبالىق ءوفيسىنىڭ جەتەكشىسى ق.توكۋشەۆ، قازاق اگرارلىق ۋنيۆەرسيتەتىنىڭ رەكتورى ت.ەسپولوۆ، ءال-فارابي اتىنداعى قازۇۋ رەكتورى ع.مۇتانوۆ، ت.جۇرگەنوۆ اتىنداعى ونەر اكادەمياسىنىڭ رەكتورى ا.ابدۋاليەۆ، ت.ب. جوعارى وقۋ ورىندارىنىڭ باسشىلارى «رۋحاني جاڭعىرۋ» باعدارلاماسىن جۇزەگە اسىرۋدى ماقسات ەتەتىن جوباعا قولداۋ كورسەتۋگە دايىن ەكەندىكتەرىن ءبىلدىردى.

تىڭ جوبانىڭ ەرەكشەلىگى، قوعامدا ورىن العان جات ادەتتەرمەن كۇرەس، ارداگەرلەرگە كومەك كورسەتۋ، قالانىڭ تازالىعىن قاداعالاۋ، بالالار ۇيىرمەلەرىن ۇيىمداستىرۋ، جان-جانۋارلاردى قورعاۋ بولىپ تابىلادى ءارى وسىناۋ ىزگى شارالارعا بارلىق جاستاعى ازاماتتار قاتىسا الادى.

 

الماتى

سوڭعى جاڭالىقتار

ساپارداعى سىر

رۋحانيات • كەشە

اقاڭنىڭ اماناتى

رۋحانيات • كەشە

تارالىم ءھام قارالىم

100 • 21 قاراشا، 2019

«ەگەمەن» ەستەن شىقپايدى

100 • 21 قاراشا، 2019

تارحان تەكتى رەداكتور

100 • 21 قاراشا، 2019

ءجۇز جىل

100 • 21 قاراشا، 2019

ۇشقىر ويلار ۇشقىندارى

100 • 21 قاراشا، 2019

ۇلكەن جولدىڭ ۇزىكتەرى

100 • 21 قاراشا، 2019

ينۆەستيتسيا – دامۋ داڭعىلى

ايماقتار • 21 قاراشا، 2019

ۇقساس جاڭالىقتار