ۇكىمەت • 14 قازان، 2019

اسقار مامين سينگاپۋردىڭ اعا ءمينيسترى تەو چي حينمەن كەزدەستى

76 رەتكورسەتىلدى

پرەمەر-مينيستر اسقار مامين قازاقستاندا جۇمىس ساپارىمەن جۇرگەن سينگاپۋر رەسپۋبليكاسىنىڭ اعا ءمينيسترى جانە ۇلتتىق قاۋىپسىزدىك جونىندەگى ۇيلەستىرۋشى ءمينيسترى تەو چي حينمەن كەزدەسۋ وتكىزدى. بۇل تۋرالى primeminister.kz حابارلادى.  

تاراپتار ينۆەستيتسيالىق جانە ساۋدا-ەكونوميكالىق ىنتىماقتاستىقتى دامىتۋ ماسەلەلەرىن، ونىڭ ىشىندە بيىلعى 1 قازاندا ەرەۆان قالاسىندا ەۋرازيالىق ەكونوميكالىق وداق پەن سينگاپۋر اراسىندا قول قويىلعان ەركىن ساۋدا تۋرالى كەلىسىم راتيفيكاتسيالانعاننان كەيىنگى ەاەو – سينگاپۋر فورماتىنداعى ەكى ەلدىڭ ءوزارا ءىس-قيمىلىنىڭ پەرسپەكتيۆالارىن تالقىلادى.

«تۇڭعىش پرەزيدەنت نۇرسۇلتان نازارباەۆ سينگاپۋرمەن ىنتىماقتاستىققا ۇنەمى زور كوڭىل ءبولدى جانە پرەمەر-مينيستر لي كۋان يۋمەن جەكە دوس بولدى، وسىنىڭ ارقاسىندا ەكى ەلدىڭ اراسىنداعى قارىم-قاتىناستار ويداعىداي دامىپ جاتىر. مەملەكەت باسشىسى قاسىم-جومارت توقاەۆ تا سىرتقى ساياساتتاعى ساباقتاستىقتى ۇستانا وتىرىپ، سينگاپۋرمەن ىنتىماقتاستىقتى ءتيىمدى دامىتۋعا كوپ كوڭىل ءبولىپ كەلەدى»، دەدى ا. مامين.

قازاقستان سينگاپۋردىڭ ورتالىق ازياداعى اسا ءىرى ساۋدا-ەكونوميكالىق سەرىكتەسى، ەكىجاقتى ساۋدا اينالىمى 2018 جىلدىڭ قورىتىندىسى بويىنشا $520 ملن-نان استى. بيىلعى ماۋسىم ايىنداعى جاعداي بويىنشا سينگاپۋردان قازاقستان ەكونوميكاسىنا تۇسكەن تىكەلەي شەتەلدىك ينۆەستيتسيالار كولەمى ءۇش ەسەگە جۋىق – $28،5 ملن-نان $80،7 ملن-عا دەيىن ارتتى.

ۇكىمەت باسشىسى سينگاپۋرلىق تاراپتى «استانا» حالىقارالىق قارجى ورتالىعىنا ءوزىنىڭ قاتىسۋىن بەلسەندى ارتتىرۋعا، ەكى ەلدىڭ ىسكەرلىك ورتالارىنىڭ اراسىندا تىعىز بايلانىستار ورناتۋعا، قازاقستاننىڭ كولىك جانە تۇرعىن ءۇي ينفراقۇرىلىمىن جاڭعىرتۋ بويىنشا ينۆەستيتسيالىق جوبالارعا قاتىسۋعا شاقىردى. 

پرەمەر-مينيستر تىكەلەي شەتەلدىك ينۆەستيتسيالار مەن ساۋدا كولەمىنىڭ ءوسۋىن قامتاماسىز ەتۋ قازاقستان ۇكىمەتى جۇمىسىنىڭ باسىم باعىتتارىنىڭ ءبىرى ەكەنىن اتاپ ءوتتى.

ۇكىمەت باسشىسى سينگاپۋر وكىلدەرىن الداعى ۋاقىتتا، 2020 جىلى ماۋسىم ايىندا نۇر-سۇلتان قالاسىندا وتەتىن دۇنيەجۇزىلىك ساۋدا ۇيىمىنىڭ XII مينيسترلەر كونفەرەنتسياسىنا قاتىسۋعا شاقىردى. 

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ۇقساس جاڭالىقتار