تاراپتار كەلىسسوزدى 12-15 قازان ارالىعىندا بەلگرادتا ءوتىپ جاتقان پارلامەنتارالىق وداق اسسامبلەياسىنىڭ 141-ءشى وتىرىسى اياسىندا جۇرگىزدى.
سەربيا - قازاقستاننىڭ بالقان ايماعىنداعى ماڭىزدى ساياسي سەرىكتەسى ەكەنىن ايتقان نۇرلان نىعماتۋلين ەكى ەل اراسىنداعى قاتىناستار تولىعىمەن ءوزارا تۇسىنىستىك پەن سەنىم جاعدايىندا دامىپ كەلە جاتقانىنا توقتالدى.
ءماجىلىس توراعاسىنىڭ پىكىرىنشە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ 2016 جىلى سەربياعا جاساعان رەسمي ساپارى, سەربيا پرەزيدەنتى الەكساندر ءۆۋچيچتىڭ 2018 جىلى قازاقستانعا جاساعان ءىس-ساپارى, ەلىمىزدىڭ پرەزيدەنتى قاسىم-جومارت توقاەۆتىڭ بەلگرادتا قازاقستاننىڭ ەلشىلىگىن اشۋ تۋرالى شەشىمى ەكى ەلدىڭ ىنتىماقتاستىعىن ارتتىردى.
اۋىل شارۋاشىلىعى, قۇرىلىس, فارماتسەۆتيك جانە تۋريزم سالاسىنداعى ىنتىماقتاستىق الەۋەتتى باعىتتاردىڭ ءبىرى بولىپ تابىلادى.ەاەو پەن سەربيا اراسىنداعى قۇرىلعان ەركىن ساۋدا ايماعى دا ۇلكەن مۇمكىندىكتەرگە يە.
سونىمەن قاتار, ءماجىلىس توراعاسى قازاقستاندىق جانە سەربيالىق پارلامەنتشىلەر اراسىنداعى قاتىناستاردىڭ دامۋىنا قولداۋ ءبىلدىردى. بۇل رەفورمالاردى زاڭنامالىق قامتاماسىز ەتۋ, ىنتىماقتاستىق توپتارى مەن ءتيىستى كوميتەتتەردىڭ بەلسەندى ءوزارا ءىس-قيمىلى بويىنشا تاجىريبە الماسۋعا مۇمكىندىك بەرەدى.
نۇرلان نىعماتۋلين مايا گويكوۆيچكە قىركۇيەك ايىندا نۇر-سۇلتاندا وتكەن ەۋرازيا ەلدەرى پارلامەنتتەرى سپيكەرلەرىنىڭ 4-ءشى كەڭەسىنە قاتىسقانى ءۇشىن العىسىن ءبىلدىرىپ, فورۋمدا ايتىلعان باستامالار مەن ۇسىنىستار ەۋرازيالىق ايماق ەلدەرىنىڭ ىنتىماقتاستىعىن جاڭا دەڭگەيگە شىعاراتىنىنا سەنىم ءبىلدىردى.
