قوعام • 11 قازان، 2019

ەلباسى «ەگەمەندە» شىققان ماقالانى تىلگە تيەك ەتتى (ۆيدەو)

318 رەتكورسەتىلدى

نۇرسۇلتان نازارباەۆ وتاندىق تەلەارنالاردىڭ بىرىنە بەرگەن سۇحباتىندا اۋىل تۋرالى تولعانىپ، «Egemen Qazaqstan» گازەتىندە 10 قازان كۇنى جارىق كورگەن «جۋسان تۋرالى جىر» ماقالاسىن مىسالعا كەلتىردى. 

ء«بىز ۋربانيزاتسيانى جاساندى تۇردە جاساپ جاتقانىمىز جوق. ول حالىقتىڭ ءوزىنىڭ قولعا الىسى، وعان كەدەرگى بولۋ قيىن. دۇنيەجۇزىلىك تاجىريبەگە كەلەتىن بولساق، الىپ مەملەكەت امەريكانىڭ اۋىل شارۋاشىلىعىندا ىستەپ، اۋىل شارۋاشىلىق ونىمدەرىن شىعاراتىن حالقىنىڭ اۋقىمى 5 پروتسەنت. بىزدە 43% اۋىلدا تۇرادى دەيمىز، بىراق سولاردىڭ 20% عانا اۋىل شارۋاشىلىعىندا جۇمىس ىستەيدى، قالعانى كەلىپ-كەتىپ قالانىڭ توڭىرەگىندە تۇراتىندار. گەرمانياعا بارساق تا، كاناداعا بارساق تا 5-7% حالقى اۋىل شارۋاشىلىعىمەن اينالىسادى. ءبىز اۋىل شارۋاشىلىعىنا كوپ كوڭىل ءبولىپ كەلە جاتىرمىز»، دەدى ەلباسى.

ءوز سوزىندە نۇرسۇلتان نازارباەۆ جاس ماماندارعا قولايلى جاعداي جاساۋدىڭ ماڭىزدىلىعىن اتاپ ءوتتى.

«اۋىل شارۋاشىلىعىندا ىستەپ جۇرگەن ازاماتتار ماماندارعا جاعداي جاساپ، جاستاردى سول جەرگە باۋلۋى كەرەك. كەيبىرەۋلەر قالادا، كەيبىرەۋلەر اۋىلدا تۇرعىسى كەلەدى. ءبىز اۋىلدان شىققان بالالارمىز، اڭسايمىز عوي اۋىلدى. «Egemen Qazaqstan» گازەتىندە جۋسان تۋرالى ۇلكەن ماقالا شىعىپتى. جۋساننىڭ ءيىسى ادامنىڭ دەنەسىن سەرگىتەدى دەپتى. شىنىندا دا، اۋىلعا بارساڭ ءبىر ءتۇپ جۋساندى ج ۇلىپ الاسىڭ دا يىسكەيسىڭ. ءيىسى اڭقىپ تۇرادى. اۋىل دەگەن - ءبارىمىزدىڭ بەسىگىمىز. اۋىلعا دەگەن قامقورشىلىقتى مەملەكەت ءار ۋاقىتتا الدىندا ۇستاۋى كەرەك، قاراپ وتىرۋى كەرەك، جاعداي جاساۋى كەرەك»، دەدى نۇرسۇلتان نازارباەۆ «حابار» ارناسىنا بەرگەن سۇحباتىندا.

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار