تاعايىنداۋ • 08 قازان، 2019

يۋليا ياكۋپباەۆا «اتامەكەن» ۇكپ باسقارما توراعاسىنىڭ ورىنباسارى بولىپ تاعايىندالدى

66 رەتكورسەتىلدى

«اتامەكەن» قر ۇكپ تورالقاسىنىڭ شەشىمىمەن يۋليا ياكۋپباەۆا باسقارما توراعاسىنىڭ ورىنباسارى بولىپ تاعايىندالدى. بۇل تۋرالى ۇلتتىق كاسىپكەرلەر پالاتاسىنىڭ ءباسپاسوز قىزمەتى حابارلادى.  

يۋليا ياكۋپباەۆا 1977 جىلى الماتى قالاسىندا تۋعان. قازاق مەملەكەتتىك باسقارۋ اكادەمياسىن «قارجى جانە كرەديت» ماماندىعى بويىنشا اياقتادى. 20 جىلدىق ەڭبەك ءوتىلى ىشىندە قاتارداعى ماماننان باستاپ جوعارى بۋىن جەتەكشىسىنە دەيىن وسكەن.

ءار جىلدارى قر ۇلتتىق بانكى، قازاقستان قارجىگەرلەرى قاۋىمداستىعى، «اتامەكەن» وداعى» قازاقستاننىڭ ۇلتتىق ەكونوميكالىق پالاتاسىندا قىزمەت ەتكەن. «اتامەكەن» قر ۇكپ باسقارما توراعاسىنىڭ ورىنباسارى قىزمەتىن اتقارعان (2014 جىل قازان – 2019 جىل ءساۋىر).

يۋليا ياكۋپباەۆا قازاقستان قارجىگەرلەرى قاۋىمداستىعىن باسقاردى (2017 جىل اقپان – 2018 جىل تامىز). بىرقاتار كومپانيانىڭ تاۋەلسىز ديرەكتورى - ديرەكتورلار كەڭەسىنىڭ مۇشەسى بولعان  («قازاقستاننىڭ دەپوزيتتەرگە كەپىلدىك بەرۋ قورى» اق، «تەحنولوگيالىق دامۋ جونىندەگى ۇلتتىق اگەنتتىگى» اق، «Kazakh Tourism» ۇك» اق). ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى باسقارماسىنىڭ مۇشەسى.

2017 جىلدان باستاپ دەنساۋلىق ساقتاۋ مينيسترلىگى قوعامدىق كەڭەسىنىڭ مۇشەسى. 2019 جىلدىڭ ءساۋىر ايىنان قىركۇيەك ايىنا دەيىن «اتامەكەن» قر ۇلتتىق كاسىپكەرلەر پالاتاسى تورالقا توراعاسىنىڭ كەڭەسشىسى بولدى.

مەملەكەتتىك جانە قوعامدىق ناگرادالاردىڭ يەگەرى. قر تۇڭعىش پرەزيدەنتى ن.نازارباەۆتىڭ قۇرمەت گراموتاسى، «قر تاۋەلسىزدىگىنە 20 جىل»، «قر تاۋەلسىزدىگىنە 25 جىل» مەرەيتويلىق مەدالدارىمەن، «قازاقستان قارجىگەرلەرى قاۋىمداستىعىنىڭ «مەرەي» قوعامدىق وردەنىمەن، «اتامەكەن» قر ۇكپ «ىسىنە ادالدىعى ءۇشىن» ءىى دارەجەلى مەدالىمەن ماراپاتتالعان.

وسىعان دەيىن اتالعان قىزمەتتى اتقارىپ كەلگەن الەنا رومانوۆا «اتامەكەن» ۇلتتىق كاسىپكەرلەر پالاتاسىنىڭ اتقارۋشى حاتشىسى بولىپ تاعايىندالدى.

سوڭعى جاڭالىقتار

ۇقساس جاڭالىقتار