قازاقستان رەسپۋبليكاسى ۇكىمەتىنىڭ قاۋلىسى №170
سەيسەنبى, 26 اقپان 2013 7:41
2013 جىلعى 22 اقپان استانا, ۇكىمەت ءۇيى
قازاقستان رەسپۋبليكاسىنىڭ اۋماعىنا شيكى قانت اكەلۋدىڭ كەيبىر ماسەلەلەرى تۋرالى
«ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى قازاقستان رەسپۋبليكاسىنىڭ زاڭىنا جانە «بەلارۋس رەسپۋبليكاسىنىڭ, قازاقستان رەسپۋبليكاسىنىڭ جانە رەسەي فەدەراتسياسىنىڭ كەدەن وداعىن بىرىڭعاي كەدەندىك-تاريفتىك رەتتەۋ تۋرالى» ەۋرازيالىق ەكونوميكالىق قوعامداستىقتىڭ كەدەن وداعى كوميسسياسىنىڭ 2009 جىلعى 27 قاراشاداعى №130 شەشىمىنە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. دامدىك-حوش يىستىك نەمەسە بوياعىش قوسپالارى جوق 434 700,0 توننا كولەمىندەگى شيكى قۇراق قانتىن (بۇدان ءارى – شيكى قانت) (قو سەق تن كودتارى 1701 13, 1701 14) اكەلۋ 2013 جىلى قازاقستان رەسپۋبليكاسىنىڭ اۋماعىنا ىشكى تۇتىنۋ ءۇشىن شىعارۋدىڭ كەدەندىك راسىمىنە كەدەندىك باج تولەمەي جۇزەگە اسىرىلادى دەپ بەلگىلەنسىن.
سەيسەنبى, 26 اقپان 2013 7:41
2013 جىلعى 22 اقپان استانا, ۇكىمەت ءۇيى
قازاقستان رەسپۋبليكاسىنىڭ اۋماعىنا شيكى قانت اكەلۋدىڭ كەيبىر ماسەلەلەرى تۋرالى
«ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى قازاقستان رەسپۋبليكاسىنىڭ زاڭىنا جانە «بەلارۋس رەسپۋبليكاسىنىڭ, قازاقستان رەسپۋبليكاسىنىڭ جانە رەسەي فەدەراتسياسىنىڭ كەدەن وداعىن بىرىڭعاي كەدەندىك-تاريفتىك رەتتەۋ تۋرالى» ەۋرازيالىق ەكونوميكالىق قوعامداستىقتىڭ كەدەن وداعى كوميسسياسىنىڭ 2009 جىلعى 27 قاراشاداعى №130 شەشىمىنە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. دامدىك-حوش يىستىك نەمەسە بوياعىش قوسپالارى جوق 434 700,0 توننا كولەمىندەگى شيكى قۇراق قانتىن (بۇدان ءارى – شيكى قانت) (قو سەق تن كودتارى 1701 13, 1701 14) اكەلۋ 2013 جىلى قازاقستان رەسپۋبليكاسىنىڭ اۋماعىنا ىشكى تۇتىنۋ ءۇشىن شىعارۋدىڭ كەدەندىك راسىمىنە كەدەندىك باج تولەمەي جۇزەگە اسىرىلادى دەپ بەلگىلەنسىن.
2. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەلگىلەنگەن تارتىپپەن تىزبەسى وسى قاۋلىعا قوسىمشادا كورسەتىلگەن قانت وندىرەتىن كاسىپورىندارعا نە اكەلىنەتىن شيكى قانتتىڭ نىسانالى ماقساتى تۋرالى كورسەتىلگەن كاسىپورىندارمەن كەلىسىم-شارت نەگىزىندە شيكى قانت جەتكىزۋشىلەرگە قازاقستان رەسپۋبليكاسى اۋىل شارۋاشىلىعى مينيسترلىگىمەن كەلىسىم بويىنشا بەكىتىلگەن كولەم شەگىندە 2009 جىلعى 9 ماۋسىمداعى تاۋارلاردىڭ سىرتقى ساۋداسى سالاسىنداعى ليتسەنزيالاۋ ەرەجەسى تۋرالى كەلىسىمدە بەكىتىلگەن نىسان بويىنشا رۇقساتتار بەرۋدى جۇزەگە اسىرسىن.
3. قازاقستان رەسپۋبليكاسى قارجى ءمينيسترلىگىنىڭ كەدەندىك باقىلاۋ كوميتەتى ىشكى تۇتىنۋ ءۇشىن شىعارۋدىڭ كەدەندىك راسىمىندە اكەلىنەتىن شيكى قانت يمپورتىن كەدەندىك دەكلاراتسيالاۋ مەن ودان كەدەندىك باج الۋدى:
1) كەدەندىك اكەلۋ باجىنىڭ نولدىك ستاۆكالارى بويىنشا قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەرەتىن رۇقساتتار نەگىزىندە:
2) كەدەن وداعىنىڭ بىرىڭعاي كەدەندىك تاريفىندە كورسەتىلگەن كەدەندىك اكەلۋ باجىنىڭ ستاۆكالارى بويىنشا قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەرەتىن رۇقساتسىز جۇزەگە اسىرسىن.
4. قازاقستان رەسپۋبليكاسى سىرتقى ىستەر مينيسترلىگى ەكى اپتا مەرزىمدە ەۋرازيالىق ەكونوميكالىق قوعامداستىق ينتەگراتسيالىق كوميتەتىنىڭ حاتشىلىعىنا قازاقستان رەسپۋبليكاسىنىڭ ۇكىمەتى قابىلدايتىن سىرتقى ساۋدا قىزمەتىن رەتتەۋ شارالارى تۋرالى حابارلاسىن.
5. وسى قاۋلى العاشقى رەسمي حابارلانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى
س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 22 اقپانداعى №170 قاۋلىسىنا قوسىمشا
قانت وندىرەتىن كاسىپورىندار تىزبەسى*
| ر/س № | قانت وندىرەتىن كاسىپورىن اتاۋى |
| 1 | «ورتالىق ازيا قانت كورپوراتسياسى» جاۋاپكەرشىلىگى شەكتەۋلى سەرىكتەستىگى |
* كاسىپورىنداردىڭ تىزبەسى كاسىپورىنداردى شيكى قانت قۇراعىنان قانت وندىرەتىن زاۋىتتارعا جاتقىزۋدىڭ مىناداي ولشەمدەرىنە سايكەس قالىپتاستىرىلادى:
1) كاسىپورىننىڭ شيكى قانت قۇراعىن وڭدەۋگە ارنالعان تەحنولوگيالىق جابدىعىنىڭ بولۋى;
2) شيكى قانت قۇراعىنان اق قانتتىڭ سەريالىق ءوندىرىسىنىڭ بولۋى;
3) كاسىپورىننىڭ الداعى كۇنتىزبەلىك جىلعا ارنالعان جوبالىق قۋاتى.
