05 قازان، 2019

«باقىتتى وتباسى» جوباسى اجىراسۋدى ازايتا الا ما؟

128 رەتكورسەتىلدى

2019 جىلدىڭ 8 ايىندا وبلىستا 6221 نەكە تىركەلىپ، سونىڭ 3129-ى اجىراسىپ كەتكەن.

وسكەمەندەگى ورالحان بوكەي اتىنداعى ورتالىق قالالىق كىتاپحانادا «باقىتتى وتباسى» قاناتقاقتى جوباسىنىڭ ارالىق قورىتىندىسى شىعارىلدى.

وتباسى

جوعارعى سوتتىڭ باستاماسىمەن، اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلىپ جاتقان قاناتقاقتى جوبا ماۋسىم ايىندا ەلىمىزدىڭ 8 وڭىرىندە باستاۋ الىپ، وتباسىن رەسۋرستىق قولداۋ ورتالىقتارى اشىلىپ، وتباسىلىق سوتتار جۇمىسىن باستاپتى. وسى ۋاقىت ارالىعىندا وسكەمەندەگى وتباسىن رەسۋرستىق قولداۋ ورتالىعىنا 579 ادام (149 ەرلى-زايىپتى) اقىل-كەڭەس سۇراي كەلىپتى. ولاردىڭ ەڭ جاسى – 20-دا بولسا، ەڭ ەگدەسى 66 جاستا ەكەن. وسى 579 ادامنىڭ 472-ءسىنىڭ نەكەلەسكەنىنە 10، 93-ىنە 20، 27-سىنە 20 جىلدان اسىپتى. «باقىتتى وتباسى» جوباسىنىڭ وسكەمەن قالاسىنداعى ۇيلەستىرۋشىسى نازىگۇل احمەتقاليەۆا 2019 جىلدىڭ 8 ايىندا وبلىستا 6221 نەكە تىركەلىپ، سونىڭ 3129-ى اجىراسىپ كەتكەنىن قىنجىلا جەتكىزدى. ال قازاقستان اجىراسۋ تۇرعىسىندا بۇگىندە الەم بويىنشا 10 ورىندا ەكەن. ماسەلەن، ەلىمىزدە 2019 جىلى 63 917 نەكە تىركەلسە، سونىڭ 29073-ءى (45،5 پروتسەنتى) ايىرىلىسىپ كەتىپتى. «بۇل جوبانىڭ ماقساتى - اتى ايتىپ تۇرعانداي وتباسىلاردىڭ اجىراسۋىنا جول بەرمەۋ، اجىراسۋدىڭ سەبەپ-سالدارىن زەرتتەپ-زەردەلەۋ، وتباسى قۇرماعان جاستار اراسىندا ۇگىت-ناسيحات جۇمىستارىن جۇرگىزۋ. ءبىزدىڭ سەرىكتەسىمىز – وسكەمەن قالالىق سوتى (قاسىم قايسەنوۆ كوشەسى، 55). سوت عيماراتىنان بىزگە ارنايى بولمە بەرىلگەن. ورتالىق 5 كۇن جۇمىس ىستەيدى. مامانداردىڭ، ياعني، زاڭگەرلەر، پسيحولوگتار مەن دارىگەرلەردىڭ اقىل-كەڭەسى تەگىن. قالالىق سوت قىزمەتكەرلەرى سوتقا اجىراسۋعا ءوتىنىش بەرگەن وتباسىلاردىڭ ىشىنەن «وسىلار قايتا قوسىلۋى، ءتىل تابىسۋى مۇمكىن» دەگەندەرىن بىزگە جىبەرەدى. ءبىر قۋانارلىعى، ءبىزدىڭ ورتالىققا كەلەتىن وتباسىلىق جۇپتاردىڭ اراسىنان اسىرەسە ەر ادامداردىڭ وتباسىن ساقتاپ قالۋعا مۇددەلى ەكەندىگىن بايقايمىز. بىزگە كەلگەن 479 ادامعا ساراپ جاساعانىمىزدا تۇيگەنىمىز مىناۋ. ولاردىڭ اجىراسۋىنا نە سەبەپ؟ ءبىرىنشى سەبەپ – جۇپتاردىڭ اراسىندا ورتاق قىزىعۋشىلىقتىڭ جوقتىعى. بۇگىنگى جاستار ءبىر-بىرىمەن قالاي تانىسادى؟ نەگىزىنەن عالامتور ارقىلى تانىسادى. بىزگە كەلگەندەردىڭ كوپشىلىگى ينتەرنەت ارقىلى تانىسقاندارىن ايتادى. بۇرىنعى جاستاردىڭ بارلىعى بولماسا دا، ءبىرازى اۋەلى مەكتەپتە، كەيىن ۋنيۆەرسيتەتتە بىرگە وقىپ، سودان كەيىن بارىپ، ءبىر-ءبىرىن جاقسى تانىپ ۇيلەنەتىن ەدى. قازىر قىزدار ينتەرنەتكە ادەتتەگىدەي قولدارىنا ۇيالى تەلەفون ۇستاعان ءساتىن ەمەس، كىتاپ وقىپ وتىرعان، گۇل سۋعارعان، تورت پىسىرگەن كەزىن دەگەندەي، ياعني تەك ادەمى سۋرەتتەرىن عانا سالادى. شىن مانىندە، ول الگى تورتتى دۇكەننەن ساتىپ اكەلۋى مۇمكىن. مۇنى كورگەن جىگىتتەر الگى قىزعا عاشىق بولادى. سويتەدى دە ءارى كەتسە ءبىر-ەكى اي ءجۇرىپ، ۇيلەنەدى. اتا-اناسى كرەديت الىپ، شىعىنعا باتىپ، دۇركىرەتىپ توي جاسايدى. سويتكەن جاستار جارتى جىلعا جەتپەي اجىراسادى. ال اتا-اناسى 5-6 جىل كوزىنىڭ جاسى سورعالاپ كرەديت تولەيدى. قازىر وسىنداي جاعدايلار كوپ. سوندىقتان ءبىز ءالى وتباسىن قۇرماعان جاستار، ستۋدەنتتەر اراسىندا كەزدەسۋ وتكىزەمىز. وسى كىتاپحانا بازاسىندا سەمينار ۇيىمداستىرامىز» دەيدى ول.

وسكەمەن

سوڭعى جاڭالىقتار

ۇيدەن شىقپاي قازاقشا ۇيرەن

قوعام • بۇگىن، 13:08

«...تاۋىڭدا قىران قالدى ما؟»

ايماقتار • بۇگىن، 12:52

ءداستۇردى بۇلداۋ ما بۇل؟!

قوعام • بۇگىن، 12:23

كوروناۆيرۋس شاش ارقىلى جۇعادى

كوروناۆيرۋس • بۇگىن، 12:19

«التىن وردا» كۇيىن شىعاردى

رۋحانيات • بۇگىن، 11:21

كارانتيننەن كەلەتىن زارداپ مول

كوروناۆيرۋس • بۇگىن، 11:09

تاعى ءبىر ناۋقاس قايتىس بولدى

كوروناۆيرۋس • بۇگىن، 08:07

كونكۋرس جاريالانادى

قوعام • بۇگىن، 07:57

كورشىڭىزبەن قالايسىز؟

رۋحانيات • بۇگىن، 07:54

ءسوز سويىل №92

رۋحانيات • بۇگىن، 07:50

قاجىعۇماردى قايتەمىز؟

تانىم • بۇگىن، 07:47

تۇراتىدا تۋعان تارلاندار

رۋحانيات • بۇگىن، 07:45

«شترافباتتىڭ» كومانديرى

رۋحانيات • بۇگىن، 07:43

ۇقساس جاڭالىقتار