«KAZAKH INVEST» ۇك» اق اتىراۋ وبلىسى ماحامبەت اۋدانىنداعى ورال وزەنىنىڭ جاعالاۋ جيەگىن نىعايتۋعا باعىتتالعان ينۆەستيتسيالىق جوبانى سۇيەمەلدەۋدى قامتاماسىز ەتتى. جىل سايىن جاعالاۋ جيەگى قارقىندى شايۋعا ۇشىرايدى. سوڭعى 10 جىلدا وزەن جاعالاۋى 10 مەترگە دەيىن ىعىستىرىلدى, ونىڭ ودان ارى بۇزىلۋى ەلدى مەكەن قۇرىلىستارى ءۇشىن قاۋىپ ءتوندىرۋى مۇمكىن. اتالمىش كومپانيانىڭ اشىلۋ سالتاناتىندا كومپانيا وكىلدەرى جاعالاۋدىڭ شايىلۋىن جاپوندىق مامانداردىڭ تاجىريبەسىن قولدانۋ ارقىلى جول بەرمەۋ جوسپارلانىپ وتىرعانىن, ورال جاعالاۋىن نىعايتۋ Rock Box گابيون – وزات تەحنولوگيالاردى پايدالانىپ ىسكە اسىرىلاتىنىن اتاپ ءوتتى.
شەتەلدىك ينۆەستورلار ەلگە ينۆەستيتسياسىن تارتۋدىڭ بىرىڭعاي وپەراتورى - «KAZAKH INVEST» ۇك» اق قولداۋىمەن وز قاتىسۋىن دامىتادى جانە قازاقستاندا جوبالار ازىرلەيدى. وسىعان دەيىن, جاپوندىق كومپانيا الماتى قالاسىنداعى ەسەنتاي وزەنىنىڭ جاعالاۋ جيەگىن نىعايتۋعا قولعابىس ءبىلدىردى. كومپانيا ماماندارى الەم بويىنشا سەل, كوشكىن, وپىرىلۋ جانە تاسقۇلاماعا قارسى قورعانىس قۇرىلعىلار قۇرۋ جونىندە بىرقاتار جوبلاردى ىسكە اسىرۋعا قاتىستى.
اتىراۋ وبلىسىنىڭ اكىمى نۇرلان نوعاەۆ Tokyo Rope باسشىلىعىن جوبانى ىسكە اسىرۋعا قىزىعۋشىلىق تانىتقانى ءۇشىن العىس ايتىپ, ۇزاقمەرزىمدى سەرىكتەستىككە سەنىم ءبىلدىردى. «عاسىرلىق تاريحىمەن بەلگىلى كومپانيا بۇكىل الەمگە ءوزىنىڭ وزىق تەحنولوگيالارىمەن تانىمال. قازاقستاننىڭ ءبىرىنشى پرەزيدەنتى – ەلباسى نۇرسۇلتان نازارباەۆ جاپونياعا ساپارى بارىسىندا Tokyo Rope كومپانياسىنىڭ باسشىلىعىمەن كەزدەسىپ, جاپون بيزنەسىنىڭ ءبىزدىڭ ەلگە كەلۋىنە باستاماشى بولدى دەپ اتاپ وتكىم كەلەدى. كومپانيا الماتى قالاسىندا ءوز جوباسىن ءساتتى ىسكە اسىردى, ەندى اتىرۋدا ءوز وكىلدىگىن اشۋدا. جاقىن ارادا ءبىز بىرلەسىپ ءوڭىر ءۇشىن ماڭىزدى جوبالاردى ىسكە اسىرۋدى جوسپارلاۋدامىز. بۇل جاعالاۋدى نىعايتۋ جۇمىستارى, مەديتسينالىق ورتالىق اشۋ جانە ماشينا جاساۋ سەكتورىندا دا قىزىعۋشىلىقتار بار. مەملەكەت باسشىسى شەتەلدىك ينۆەستيتسيالاردى تارتۋ ءۇشىن بارلىق قولايلى شارتتاردى قۇرۋدى تاپسىرعان بولاتىن. اتالعان تاپسىرمالار شەڭبەرىندە اتىراۋ وبلىسىندا جەمىستى جۇمىستار جۇرگىزىلۋدە. قازىرگى ۋاقىتتا وڭىردە شەتەلدىك قاتىسۋى بار مىڭنان استام كومپانيالار ءساتتى قىزمەت ەتۋدە. الەمدىك كومپانيالاردىڭ زاماناۋي تەحنولوگيالارىن تارتۋ ارقىلى, قازاقستاندىق ماماندار ساپاسى جوعارى دەىگەيدەگى تاۋارلار وندىرۋدە»,- دەپ اتاپ ءوتتى ءوڭىر باسشىسى.
جوسپار بويىنشا قورعانىس قۇرىلعىسىنىڭ جالپى ۇزىندىعى 4,5 م جۋىق. جوبا مەملەكەتتىك-جەكە مەنشىك ارىپتەستىك شارتتارىمەن ىسكە اسىرىلادى. بۇگىنگى كۇنى جوبا بويىنشا جول كارتاسى كەلىسىلدى جانە جوبالىق-سمەتالىق قۇجاتتامانى ازىرلەۋ جانە ساراپتاۋ جۇمىستارى اياقتالۋدا. قۇرىلىس جۇمىستارى 2020 جىلى باستالماق. جۇمىستار مەتاللدان جاسالعان بەرىكتىگى جوعارى تورلار مەن پانەلدەر ءوندىرىسى جونىندەگى «Tokyo Rope Almaty» زاۋىتىندا قازاقستاندا دايىندالعان ونىمدەردى پايدالانا وتىرىپ جۇرگىزىلەدى.
«اتىراۋ وبلىسى قانداي ەكونوميكالىق الەۋەتكە يە ەكەنىنە تالداۋ جۇرگىزدىك. بۇل دامۋشى ءوڭىر. ءبىز اتالعان وڭىرگە ءوزىمىزدىڭ جوعارى تەحنولوگيالارىمىزدى تارتۋعا جانە بىرنەشە جوبانى ىسكە اسىرۋعا قىزىعۋشىلىعىمىز بار. ولادىڭ ءبىرىنشىسى – جاعالاۋ نىعايتۋ جۇمىستارى, ەكىنشى جوبا – مەديتسينالىق ورتالىق», - دەدى Tokyo Rope پرەزيدەنتى ساتو كادزۋنوري.
«اتالعان ءجوبانىڭ وڭىر ءۇشىن ومىرلىك ماڭىزى بار. وبەكتىنى ءساتتى قۇرعان جاعدايدا, ينۆەستورلار وبلىستا ءوزىنىڭ بولۋىن كەڭەيتە الادى. Tokyo Rope اتىراۋ وبلىسىنداعى جوباسى جاپونيانىڭ باسقا ينۆەستورلارى ءۇشىن قازاقستانمەن سەرىكتەستىكتى جەتىلدىرۋگە سەرپىلىس بەرەتىنىنە سەنىمدىمىز. ءوز كەزەگىمىزدە ءبىز الەۋەتتى سالالارعا رەسۋرستار ينۆەستيتسيالاۋعا نيەت بىلدىرگەن شەتەلدىك كاسىپورىندارعا تولىق كەڭەستىك قولداۋ مەن سۇيەمەلدەۋدى كورسەتەمىز», - دەپ اتاپ ءوتتى اتىراۋ وبلىسى بويىنشا «KAZAKH INVEST» ۇك» اق وكىلدىگىنىڭ وڭىرلىك ديرەكتورى ەرجان كولباەۆ.
تەحنولوگيا ەكولوگيالىلىعىمەن ەرەكشەلەنەدى, ماسەلەن, بەتونعا قاراعاندا گابيون سۋدى وتكىزەدى جانە سۋات ىلعالمەن قامتاماسىز ەتىلەدى. بۇدان باسقا, بىرنەشە جىل بويى كەڭىستىك قۇرىلعىنى نىعايتاتىن جانە ونىڭ وسىمدىكپەن جابىلۋىنا جاعداي جاسايتىن توپىراقپەن تولتىرىلۋدا. ساراپشىلاردىڭ پىكىرىنشە, اتالعان تەحنولوگيا بەتونعا قاراعاندا ەكولوگيالى. قالا جاعدايىندا گابيوننىڭ قىزمەت ەتۋىنىڭ كەپىلدىك مەرزىمى 70 جىلعا جۋىق.
