جاقىندا ەڭبەك جانە حالىقتى الەۋمەتتىك قورعاۋ مينيسترلىگى وسى قىزمەتتەردى ناقتى ۋاقىت رەجيمىندە كورسەتۋ مارتەبەسىن قاداعالاي باستادى. بۇگىنگى كۇنى ترەكينگ جۇيەسىندە ەڭبەكمين كورسەتەتىن 18 قىزمەت باقىلانادى. ولاردىڭ اراسىندا مەملەكەتتىك بازالىق زەينەتاقى تولەمىن تاعايىنداۋ, مۇگەدەكتىكتى جانە/نەمەسە ەڭبەك ەتۋ قابىلەتىنەن ايىرىلۋ دارەجەسى جانە/نەمەسە قاجەتتى الەۋمەتتىك قورعاۋ شارالارىن ايقىنداۋ جانە تاعى باسقالارى بار. بۇل رەتتە مينيسترلىكتىڭ قىزمەتكەرلەرى ناقتى ۋاقىت رەجيمىندە قىزمەت كورسەتۋدىڭ بارلىق كەزەڭدەرىن باقىلاي الادى. كەشىگۋ نەمەسە قىزمەت كورسەتپەۋ فاكتىلەرى انىقتالعاننان كەيىن بولاشاقتا وسىنداي جاعدايلارعا جول بەرمەۋ ءۇشىن قاجەتتى شارالار قابىلدانادى.
ەستەرىڭىزگە سالا كەتەيىك, ەڭبەكمين 35 ءتۇرلى قىزمەتتىڭ ورىندالۋىن باقىلاۋعا الۋدى جوسپارلاپ وتىر. بۇدان باسقا, مينيسترلىك قىزمەتكەرلەرى ناقتى ۋاقىت رەجيمىندە كەلىپ تۇسكەن جانە وڭدەلگەن وتىنىمدەردىڭ سانىن, ولاردىڭ قانشاسىنىڭ مەرزىمى وتكەنىن جانە تاعى باسقالارىن باقىلاي الادى. الداعى ۋاقىتتا بۇل دەرەكتەر وڭىرلەردە مەملەكەتتىك قىزمەت كورسەتۋ ساپاسىن تالداۋ ءۇشىن نەگىز بولادى.
