ەستەرىڭىزگە سالا كەتەيىك, وتاعا مۇقتاج ارىپتەسىنە كومەك كورسەتۋدى Facebook-تەگى پاراقشاسىندا وڭىرلىك ءبىلىم باسقارماسىنىڭ باسشىسى ءدىنيسلام بولاتحان ۇلى ۇسىندى. ەكىباستۇزدىق پەداگوگتى «Ertis - adaldyq alańy» جوبالىق كەڭسەسى مەن وبلىستىڭ سىبايلاس جەمقورلىققا قارسى قىزمەتى قولدادى.
باۋىرجان سىرىمبەتوۆكە تولىق كورمەي قالۋ قاۋپى ءتونىپ تۇر. ءتورت بالا ءوسىرىپ جاتقان ۇلكەن وتباسىنىڭ باسشىسى, ۇلاعاتتى ۇستاز اۋىر اۋرۋمەن كۇرەسۋدە. ول بىرنەشە وتا جاسادى, بىراق كوز كورۋى قالپىنا تۇسپەدى. ماسكەۋدەگى ماماندار باۋىرجان مارات ۇلىنا «4-ءشى ساتىداعى ەكىنشى تەرمينالدىق گلاۋكوما» دياگنوزىن قويعانجانە وتا جاساۋعا كەلىستى. جۇبايى عانا جۇمىس ىستەيتىن كوپ بالالى وتباسى ءۇشىن قۇنى 580 مىڭ رۋبل تۇراتىن وتا جاساتۋعا ءوز قاراجاتتارى جەتكىلىكسىز.
پاۆلوداردا قايىرىمدىلىق مارافونىنا مەكتەپتەر, كوللەدجدەر, جوو, وبلىستىق جانە قالالىق مەملەكەتتىك مەكەمەلەردىڭ وكىلدەرىنەن تۇراتىن 400-دەن استام ادام شىقتى. جارىس باستالماس بۇرىن كوپتەگەن ادامدار قايىرىمدىلىق جاشىگىنە ءوز ۇلەستەرىن قوستى.
- وسىدان ەكى اي بۇرىن ءبىز ەكىباستۇز قالاسىنان وبلىس ورتالىعىنا كوشىپ كەلدىك. بۇگىن جەرلەسىمنىڭ اۋرۋمەن كۇرەسۋ جولىندا وتباسىمىزبەن قولداۋ كورسەتۋدەمىز. بۇگىنگى كۇنى وسىندا جۇرگەن بارلىق ادامدارعا العىس ايتامىز. جۇگىرىسكە انام مەن ەكى قىزىممەن بىرگە قاتىسامىن, - دەدى وبلىستىق تج دەپارتامەنتىنىڭ ينجەنەرى بەيسەمباي سىزدىقوۆ.
سونىمەن قاتار «جاس دارىن» مەكتەبىنىڭ دەنە شىنىقتىرۋ ءپانىنىڭ مۇعالىمى مايسا ءتۇسىپوۆا ايەلدەر اراسىنان ءبىرىنشى بولىپ مارەگە جەتتى.
- مەكتەپ ۇجىمىمەن بىرگە وسى قايىرىمدىلىق مارافونىنا قاتىسىپ جاتقانىما وتە قۋانىشتىمىن, ەكىباستۇزدىق ارىپتەسىمە تەزىرەك ساۋىعۋدى تىلەيمىن, - دەدى «ەڭ زاۋىتتىق قاتىسۋشى»نوميناتسياسىنىڭ يەگەرى مايسا ءتۇسىپوۆا.
ايتا كەتەيىك, «جاس دارىن» مەكتەبىنىڭ دەنە شىنىقتىرۋ ءپانىنىڭ مۇعالىمى ءار جىلدارى جەڭىل اتلەتيكا, قىسقى جانە جازعى كوپسايىس بويىنشا وبلىس جانە رەسپۋبليكا چەمپيونى جانە جۇلدەگەرى اتاندى.
سەرۆيس جانە تاماقتاندىرۋ كوللەدجىنىڭ تاربيە ءىسى جونىندەگى باسشىسىنىڭ ورىنباسارى ناتاليا پوكيدوۆويدىڭ ايتۋىنشا, وسى وقۋ ورنىنىڭ ۇستازدارى مەن ستۋدەنتتەرى 2,5 كم قاشىقتىققا جۇگىرگەن. وعان قوسا, مارافوننىڭ ەڭ جاس قاتىسۋشىسى - 2,5 جاستاعى ۆارۆارا كۋلەبياكينا, ال ەڭ ۇلكەنى - 64 جاستاعى يۋري دوردەنكو بولدى.
«ەڭ تاتۋ وتباسى» نوميناتسياسىن كۋليبياكين, سلياموۆ, ميرونوۆ, بورامباەۆ, سۋۆوروۆ, جاقسىلىقوۆ, ماحامبەتوۆ, سىزدىقوۆ, احمەتوۆتار وتباسى يەلەندى. مارافوندا جينالعان بارلىق قاراجات باۋىرجان سىرىمبەتوۆتىڭ وتباسىنا تاپسىرىلدى.
