قالا ورتالىعىندا ورنالاسقان كەڭسەدە وبلىس تۇرعىندارى ەلەكتروندى تۇردە ارىز-شاعىمىن تىركەتىپ, ءتيىستى جاۋابىن الا الادى. قوناقتاردى قوعامدىق قابىلداۋ كەڭسەسىمەن پارتيانىڭ وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ تانىستىرىپ, اتقارىلىپ جاتقان جۇمىستاردى باياندادى.
Nur Otan پارتياسىنىڭ توراعاسى نۇرسۇلتان نازارباەۆ Nur Otan پارتياسى ساياسي كەڭەسىنىڭ كەڭەيتىلگەن وتىرىسىندا «سەنىم. ديالوگ. بولاشاققا نىق قادام» – Nur Otan پارتياسىنىڭ 7 سەرپىنى» اتتى پارتيا جۇمىسىن جۇيەلى جاڭعىرتۋ باعدارلاماسىن ۇسىنعان بولاتىن. وسى ورايدا, قوعامدىق قابىلداۋ تۇرعىنداردىڭ شەشىمىن تاپپاعان ماسەلەلەرىن شەشۋگە اتسالىسپاق.
ايتا كەتەيىك, مۇنداي فورماتتاعى قابىلداۋ وبلىس باسشىسى ومىرزاق شوكەەۆتىڭ باستاماسىمەن تۇركىستاندا اشىلىپ وتىر. ون كۇننىڭ ىشىندە Open Space فورماتىندا اشىلعان قوعامدىق قابىلداۋعا 184 ازامات ءوتىنىش بىلدىرگەن. سونداي-اق ءدال وسى جەردە ايماق باسشىسىنىڭ ءوزى دە حالىقپەن كەزدەسىپ, ولاردىڭ ماسەلەسىن شەشۋگە ىقپال ەتەتىن بولادى.
سونداي-اق قر جوعارى سوت توراعاسى وبلىس اكىمى ومىرزاق ەستاي ۇلىنىڭ باستاماسىمەن اشىلعان تۇركىستان وبلىسىنىڭ ايماعىن دامىتۋ جوبالىق كەڭسەسىنىڭ جۇمىسىمەن تانىستى. جوبالىق كەڭسە بۇگىندە 2 مىڭنان استام جوبانى ىسكە اسىرۋدا. زاماناۋي جوبالىق تاسىلدەردى پراكتيكادا قولدانا وتىرىپ, مەملەكەتتىك باسقارۋ جۇيەسىنە ەنگىزۋ دە جوبالىق كەڭسەنىڭ باستى مىندەتى. مۇنداعى جۇمىس بارىسىمەن تانىسقان ەلىمىزدىڭ باس سۋدياسى ءدال وسىنداي ورتالىقتاردىڭ سانىن ارتتىرىپ, الداعى ۋاقىتتا جاستاردى كوبىرەك جوبا جاساۋعا تارتۋ كەرەك ەكەنىن ايتا ءوتتى.
سونىمەن قاتار جوعارعى سوت توراعاسى جاقىپ اسانوۆ تۇركىستان وبلىسىنىڭ اكىمى ومىرزاق شوكەەۆپەن بىرگە وبلىستىق سوت عيماراتىنىڭ ىرگەتاسىن قالادى. جوسپارعا سايكەس, جوبانىڭ قۇرىلىسى 2021 جىلى تولىق اياقتالماق.
