وسى جىلدىڭ تامىز ايىندا وتكەن Nur Otan ساياسي كەڭەسىنىڭ كەڭەيتىلگەن وتىرىسىندا ەلباسى حالىقپەن ءوزارا ءىس-قيمىلدى كۇشەيتۋدى, اتاپ ايتقاندا, پارتيانىڭ قوعامدىق قابىلداۋ بولمەلەرىنىڭ جۇمىسىن جانداندىرۋدى تاپسىردى. مەملەكەت باسشىسى قاسىم-جومارت توقاەۆ «قوعاممەن بايلانىستى نىعايتىپ, حالىققا ەسەپ بەرىڭدەر» دەپ تاپسىرما بەردى.
وسىلايشا, تۇرعىندار مەديتسينالىق كومەك الۋ, تۇرعىن ءۇي باعدارلامالارىنا قاتىسۋ, قىسقى كەزەڭدە كومىرمەن قامتاماسىز ەتۋ, جۇمىسقا ورنالاسۋ جانە ت. ب. ماسەلەلەر بويىنشا ءوتىنىش ءبىلدىردى. ءۇش اي ىشىندە ەلوردا اكىمى ازاماتتاردىڭ جەكە قابىلداۋىندا 450-دەن استام ادامدى قابىلدادى.
سونداي-اق ازاماتتاردى قابىلداۋ اۋداندىق اكىمدىكتەردە جانە «جانۇيا» وتباسى ينستيتۋتىن قولداۋ ورتالىعىندا وتەدى. جۇمىس ءار ءوتىنىش بويىنشا جۇرگىزىلەدى, مىسالى, ءوتىنىش بىلدىرگەندەردىڭ ءبىر بولىگى ماماندىق الۋعا وقىتۋدان وتەدى, بالاباقشالارعا جولداما الادى, مەديتسينالىق كومەك الدى, تۇرعىن ءۇي الۋعا كەزەكتە تۇردى.
