«تۇركيا ۇلى ۇلتتىق ءماجىلىسىنىڭ (Türkiye Büyük Millet Meclisi) توراعاسى, پروفەسسور مۇستافا شەنتوپ مىرزامەن كەزدەسىپ, عىلىم-ءبىلىم سالاسىندا ىنتىماقتاستىقتى تەرەڭدەتۋ تۋرالى پىكىرلەستىك. تاياۋدا عانا ەلوردادا وتكەن پارلامەنت سپيكەرلەرى جيىنى قارساڭىندا اكادەمياعا ارنايى كەلگەن توراعا العان جاقسى اسەرىمەن ءبولىستى. ءوزى دە عالىم بولعاندىقتان شەنتوپ مىرزا عىلىمي بايلانىستاردىڭ ماڭىزدىلىعىنا توقتالىپ, تۇركى دياسپورالارى شوعىرلانعان ەلدەردە زەرتتەۋلەر جۇرگىزۋدىڭ قاجەتتىلىگىنە نازار اۋداردى. اسىرەسە, بالقان تۇبەگىندەگى باۋىرلاس حالىقتارعا قاتىستى ناقتى ۇسىنىستارىن جەتكىزدى. ءبىز دە اكادەميانىڭ اياسى كەڭەيىپ كەلە جاتقانىن ايتىپ, تامىرلاس جۇرتتار جونىندەگى ىرگەلى ىزدەنىستەرىمىزدى باياندادىق», دەپ جازدى دارحان قىدىرالى.
