ەكى كۇنگە سوزىلعان ايتىستىڭ فينالىنا ءتورت جۇپ اقىن شىققان بولاتىن. قازىلار القاسىنىڭ شەشىمىمەن ارقايسىسى 400 مىڭ تەڭگەدەن ومار شيپين جانە نۇرحان ناۋشاباەۆ اتىنداعى ارنايى سىيلىقتى اينابەك بەيسەنعاليەۆ پەن توبا وتەپباەۆ الدى. ءۇشىنشى ورىن 500 مىڭ تەڭگەدەن سالتانات وتەلباۆا مەن شۇعايىپ سەزىمحانعا بۇيىردى. ارقايسىسى 600 مىڭنان ەكىنشى ورىندى اسەم ەرەجەقىزى مەن سەرىك قۇسانباەۆقا بەردى. ءبىر ميلليون تەڭگە تۇراتىن ءبىرىنشى ورىندى قىزىلوردالىق مەيىربەك سۇلتانحان جەڭىپ الدى. ال باس جۇلدەگە تىگىلگەن تەمىر تۇلپاردى ايتىستا شاشاسىنا شاڭ جۇقپاعان ارقالىقتىق ايبەك قاليەۆ الدى.
ەكى كۇنگى الاماندا اقىندار بەيىمبەتتىڭ ءومىرى مەن شىعارماشىلىعىن, ادىلەتسىز ساياساتتىڭ قۇربانىنا اينالعان تاعدىرىن عانا ەمەس, بۇگىنگى كۇننىڭ وتكىر ماسەلەلەرىن دە جىر ارقاۋى ەتتى.
«باس جۇلدەگە ايبەك قاليەۆتى ءبىراۋىزدان ۇسىندىق. ونىڭ اقىندىق جۇيرىكتىگىنە كورەرمەننىڭ ءوزى كۋا. وبلىستا وسىنىڭ الدىنداعى وتكەن رەسپۋبليكالىق ايتىستاردا باس جۇلدەنى ايبەكتىڭ ەڭبەگىن كورە تۇرا سىرتتان, وزگە وبلىستاردان كەلگەن اقىندارعا بەرگەن ەدىك. ويتكەنى كەيكىگە ارنالعان, شاقشاق جانىبەككە ارنالعان ايتىستاردا وسى تۇلعالاردىڭ اتى اتالسىن, ناسيحاتتالسىن» دەگەن وي بولدى. ايبەك ادامگەرشىلىكپەن, ىشكى كەرەمەت مادەنيەتىمەن سونىڭ بارلىعىن دا ءتۇسىندى» دەدى حالىق اقىنى, قازىلار القاسىنىڭ ءتورايىمى ءاسيا بەركەنوۆا.
قوستاناي
