ءىس-شاراعا بارلىق ورتالىق جانە جەرگىلىكتى اتقارۋشى مەملەكەتتىك ورگانداردىڭ, قر جۇمىس بەرۋشىلەر (كاسىپكەرلەر) كونفەدەراتسياسىنىڭ, قر كاسىپوداقتار فەدەراتسياسىنىڭ, «زابوتا» داعدارىس ورتالىعى مەكەمەسىنىڭ, «فيليپپ مورريس قازاقستان» جشس, ادام قۇقىقتارى جونىندەگى ۇلتتىق ورتالىقتىڭ, «رودنيك» ايەلدەر مەن بالالارعا ارنالعان الەۋمەتتىك-پسيحولوگيالىق وڭالتۋ جانە بەيىمدەۋ ورتالىعى» قوعامدىق قورىنىڭ وكىلدەرى قاتىستى.
وتىرىستى اشقان قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ ۇكىمەت حالىقارالىق ەڭبەك ۇيىمىنىڭ № 138 «جۇمىسقا قابىلداۋ ءۇشىن ەڭ تومەنگى جاس تۋرالى», № 182 «بالالار ەڭبەگىنىڭ ەڭ ناشار تۇرلەرىنە تىيىم سالۋ جانە جويۋ جونىندەگى شۇعىل شارالار تۋرالى» راتيفيكاتسيالانعان كونۆەنتسيالارىن ەسكەرە وتىرىپ, بالالار ەڭبەگىنىڭ ەڭ ناشار تۇرلەرىنىڭ الدىن الۋ جانە جويۋ ماسەلەلەرىنە ەرەكشە كوڭىل بولىنەتىنىن اتاپ ءوتتى.
سارباسوۆتىڭ ايتۋىنشا, دۇنيەجۇزى بويىنشا 5 پەن 17 جاس ارالىعىنداعى 218 ميلليون بالا جۇمىس ىستەيدى. ولاردىڭ ىشىندە 152 ميلليونى بالالار ەڭبەگىنىڭ قۇربانى, ولاردىڭ جارتىسىنا جۋىعى - 73 ميلليونى بالالار ءۇشىن قاۋىپتى جۇمىس جاعدايىندا جۇمىس ىستەيدى.
بالالاردىڭ كوپشىلىگى اۋىل شارۋاشىلىعىمەن اينالىسادى (98 ملن. نەمەسە 59%), بىراق بۇل پروبلەما قىزمەت كورسەتۋ سالاسىندا (54 ملن.) جانە ونەركاسىپتە (12 ملن.), نەگىزىنەن, بەيرەسمي ەكونوميكادا كەزدەسەدى.
«قازاقستاندا ۋاكىلەتتى مەملەكەتتىك ورگاندار كامەلەتكە تولماعانداردىڭ جۇمىسىنا قاتىستى زاڭ تالاپتارىنىڭ ساقتالۋىنا باقىلاۋدى جۇزەگە اسىرادى. 2018 جىلى مەملەكەتتىك ەڭبەك ينسپەكتورلارى تەكسەرۋ بارىسىندا 10 فاكتىنى انىقتادى, ال اعىمداعى جىلى كامەلەتكە تولماعانداردى ەڭبەككە زاڭسىز تارتۋدىڭ 2 فاكتىسى انىقتالدى, ولار بويىنشا جۇمىس بەرۋشىلەر اكىمشىلىك جاۋاپكەرشىلىككە تارتىلدى», - دەدى سارباسوۆ.
ول سونداي-اق كامەلەتكە تولماعاندار نەگىزىنەن ەڭبەك قىزمەتىن جازعى ۋاقىتتا شاعىن بيزنەس سۋبەكتىلەرىندە, بازارلاردا, ساۋدا ورىندارىندا, اۆتوجۋ جانە اۆتوكولىك قۇرالدارىن جوندەۋ ستانتسيالارىندا, قوعامدىق تاماقتانۋ پۋنكتتەرىندە (مەيرامحانالار, ءدامحانالار) جانە ت.ب. جۇزەگە اسىراتىنىن اتاپ ءوتتى. اسا ماڭىزدى بۇزۋشىلىق ەڭبەك شارتارىنىڭ بولماۋىندا.
قر ەڭبەك مينيسترلىگى بالالار ەڭبەگىنىڭ ەڭ ناشار تۇرلەرىنىڭ الدىن الۋ جانە جويۋ بويىنشا بەلسەندى جۇمىستى جالعاستىرۋدا جانە جۇمىس بەرۋشىلەردى ەڭبەك زاڭناماسىن ساقتاۋعا جانە تىيىم سالىنعان بالالار ەڭبەگىن قولدانۋعا جول بەرمەۋگە شاقىرادى.
