ەكى اي بۇرىن ەلىمىزدەگى بالا قۇقىقتارى جونىندەگى ۋاكىل رەتىندە تاعايىندالعان ارۋجان ساين بۇل سالاداعى كۇردەلى ماسەلەلەردىڭ كوپ ەكەنىن ايتتى.
- كۇن سايىن ءبىز بالالارعا قاتىستى جانتۇرشىگەرلىك جاعدايلاردى ەستيمىز: بالالار ءسۋيتسيدى, بۋللينگ, جاسوسپىرىمدەر قىلمىسى تاعىسىن تاعى. بۇل دابىل سيگنالدارى. شىن مانىندە وتە تەرەڭ سەبەپتەرى بار جانە ەلدەگى بولاشاق كريمينوگەندىك جاعدايدى الدىن الا انىقتاۋىمىز كەرەك. ولار ەرتەڭ ءبىزدىڭ قوعامىمىزدىڭ قالىپتاسۋىنا اسەر ەتەدى, - دەدى ارۋجان ساين.
سپيكەردىڭ ايتۋىنشا, بۇل ماسەلەدەگى ماڭىزدى فاكتور – ەلدەگى الەۋمەتتىك شيەلەنىستىڭ تومەندەۋى. بۇل پروبلەمانىڭ قۇرامداس بولىگى بالالاردىڭ مەكتەپتەن تىس دامۋىنىڭ قول جەتىمسىزدىگى. كەز كەلگەن قازاقستاندىق وتباسى بيۋدجەتىنىڭ قوماقتى ۇلەسىن الاتىن اقىلى ۇيىرمەلەر مەن سەكتسيالارعا بارلىعى بىردەي بارا المايتىنى بەلگىلى. ال ماسەلەنىڭ شەشىمىن وسىنداي جۇمىستاردىڭ كەشەندى جاسالۋىندا.
- مەن كامەلەتكە تولماعانداردىڭ قۇقىقتارىن قورعاۋ سالاسىنداعى جاعدايدى تۇبەگەيلى وزگەرتە الاتىنىمىزعا سەنەمىن. مەنىڭ جۇمىسىم بالالار اراسىنداعى سۋيتسيد فاكتىلەرىن, ولارعا قاتىستى زورلىق-زومبىلىق فاكتىلەرىن, بالالار قىلمىسىن ازايتۋ جانە تولىق جويۋدىڭ ناقتى كورسەتكىشتەرى بويىنشا باعالانعانىن قالايمىن, - دەدى ارۋجان ساين.
سول ماقساتتا قر بالا قۇقىقتارى جونىندەگى ۋاكىل جۋرناليستەر الدىندا قر ءبىلىم جانە عىلىم مينيسترلىگىنە ۇسىنىستارىن باياندادى. ونىڭ ايتۋىنشا بارلىق بالالاردى سپورت سەكتسيالارىندا, كوركەم, عىلىمي, تەاتر ۇيىرمەلەرىندە وقىتۋعا كەپىلدىك بەرۋ جانە جان باسىنا شاققانداعى قارجىلاندىرۋدى قامتاماسىز ەتۋ. سونىمەن قاتار جەرگىلىكتى اتقارۋشى بيلىك ورگاندارىنىڭ باسىم مىندەتتەرىنە مادەنيەت پەن سپورتتىڭ, عىلىمنىڭ بارلىق باعىتتارى بويىنشا بالالار مەن جاستاردى تۇراتىن جەرىنەن ينفراقۇرىلىم قۇرۋ جانە ۇيىمداستىرۋ.
وسىلايشا ارۋجان ساين كۇردەلى ماسەلەلەردىڭ بىرقاتار شەشىمىن ۇسىندى. اسىرەسە, مەملەكەتتىك بيۋدجەت ەسەبىنەن وتەتىن يميدجدىك ءىس-شارالار قىسقارىپ, ەسەسىنە ەلىمىزدەگى بالالار ۇيىندەگى جانە مەكتەپ جاسىنداعى بالالاردىڭ جاعدايى مەن قاۋىپسىزدىگىنە باسا نازار اۋدارۋ كەرەكتىگىن ايتتى.
