ۇلى جىبەك جولى شەڭبەرىندە قىتاي حالىق رەسپۋبليكاسى مەن قازاقستان رەسپۋبليكاسىنىڭ مادەنيەت جانە ونەر سالاسىنداعى ىنتىماقتاستىق قارىم-قاتىناسىن جالعاستىرىپ, مۋزەي ءىسى سالاسىنداعى دوستىق بايلانىستاردى نىعايتا وتىرىپ, وسى ەكى ەل مۋزەيلەرىنىڭ جوباسى ىسكە اسىرىلۋدا.
كورمە «اسپان استى ەلىنىڭ» بەينەلەۋ ونەرىمەن تانىستىرادى, اتالمىش كورمەگە قىتايدىڭ سيان قالاسىنداعى تانىمال تان سانچاو, تسۋي تسزىمو, ۋ چەنبين جانە چجوۋ تسيسيان سۋرەتشىلەردىڭ 60-تان استام شىعارمالارى ۇسىنىلدى. كورمە ەكسپوزيتسياسى ەكى نەگىزىگى بولىمنەن تۇرادى: بىرەگەي مايلى كەسكىندەمە جانە ءداستۇرلى قىتايلىق «گوحۋا» كەسكىندەمەسى.
كورمەنىڭ ءبىرىنشى ءبولىمى اتاقتى قىتاي سۋرەتشىسى تان سانچاو شىعارماشىلىعىنا ارنالعان, ول مايلى كەسكىندەمە تەحنيكاسىندا ورىندالعان 40 جۇمىسىن كوپشىلىك نازارىنا ۇسىنادى. مايلى كەسكىندەمە ستيلىندە شىعارمالاردى جاساۋ ءۇشىن بوياعىشتارمەن ارالاسقان تەز كەبەتىن وسىمدىك مايى (زىعىر, كوكنار جانە جاڭعاق) نەگىزىندە بوياۋ قولدانىلادى, بۇل قانىق جانە باي تۇستەر, سونىمەن قاتار كولەم بەرۋ ءۇشىن مۇمكىندىك بەرەدى. 2018 جىلى تان سانچاو «قىتايداعى رەفورمالار مەن اشىقتىق ساياساتىنىڭ باستالۋىنىڭ 40 جىلدىعىنا وراي مادەنيەت پەن ونەرگە ەلەۋلى ۇلەس قوسقانى ءۇشىن» جانە «باتىستىڭ 10 ۇلى قايراتكەرلەرى (جىبەك جولى)» جوعارعى ماراپاتقا يە بولدى.
كورمەنىڭ ەكىنشى ءبولىمى «گوحۋا» ءداستۇرلى قىتاي كەسكىندەمەسىنە ارنالىپ وتىر. بۇل مانەردەگى شىعارمالار قىلقالاممەن جاسالادى, ونىڭ كومەگىمەن سۋ, تۋش, ءتۇرلى-ءتۇستى بوياۋ جۇقا جىبەككە نەمەسە قاعازعا جاعىلادى. «گوحۋا» ءوزىنىڭ مازمۇنى مەن كوركەمدىك قۇندىلىعى تۇرعىسىنان «اسپان مەن ادام بىرلىگىنىڭ» فيلوسوفيالىق تۇجىرىمداماسىن كورسەتەدى.
بۇل بولىمدە ءۇش كورنەكتى كالليگرافيا جانە كەسكىندەمە شەبەرلەرىنىڭ جۇمىستارى ۇسىنىلدى:
سۋرەتشى تسۋي تسزىمو - عىلىمعا باعىتتالعان زاماناۋي ونەر قايراتكەرى, ونىڭ شىعارمالارىنىڭ سپەكترى كالليگرافيا, گوحۋا, چجۋان ستيلىندەگى مورلەردى ناقىشتاۋدى, فارفوردان جاسالعان بۇيىمداردى, ءمۇسىندى, ينستاللياتسيانى, كاريكاتۋرانى, فوتوسۋرەتتى, سونداي-اق اڭگىمە, پوەزيا, پروزا, وچەركتەردى جانە باسقا دا ونەر سالالارىن قامتيدى. 2012 جىلى تسۋي تسزىمو بۇۇ-نىڭ حالىقارالىق ءبىلىم, عىلىم جانە فولكلور ونەرى قاۋىمداستىعىنان مادەنيەت جانە ونەر سالاسىنداعى ەرەكشە جەتىستىكتەرى ءۇشىن ماراپاتقا يە بولدى.
ۋ چەنبين – سيان قالاسىنداعى قىتاي كەسكىندەمە اكادەمياسىنىڭ شتاتتى سۋرەتشىسى. سيان ادەبيەت, تاريح جانە ونەر اكادەمياسىنىڭ «شانشۋي» (تاۋلار مەن وزەندەر) شىعارماشىلىق زەرتحاناسىنىڭ مەڭگەرۋشىسى. ۋ چەنبيننىڭ سۋرەتتەرىنىڭ باسىم بولىگى «تاۋلار مەن وزەندەر» ستيلىندەگى شىعارمالاردى قۇرايدى. ونىڭ سۋرەتتەرى تاماشا مازمۇنعا تولى جانە ايقىن اسەرى بار, سەزىمدىك جانە كورنەكى قابىلداۋ تىزبەگىن, تابيعي لاندشافتىڭ سۇلۋلىعىن قۇرۋ.
چجوۋ تسيسيان – شىعىس پەن باتىس مادەنيەتى الەمىنە تانىمال ادام, قىتاي مۇسىنشىلەر اكادەمياسىنىڭ مۇشەسى, ونىڭ قوسىمشا ماماندىعى «گوحۋا» بولىپ تابىلادى. سۋرەتشىنىڭ شىعارمالارى نەگىزىنەن «تاۋلار مەن وزەندەر», «ادامدار مەن زاتتار» ستيلىمەن ۇسىنىلعان, ول تابيعات سۇلۋلىعى مەن تسزينان اۋىلىنىڭ سيۋجەتتەرىن كورسەتەدى.
كەلىستى كوركەم تۋىندىلار كەلۋشىلەرگە تابيعاتتىڭ عاجايىپ سيقىرى مەن تاڭعى تامىلجىعان سۇلۋلىعىن, تاڭ ءوڭىرىنىڭ كەسكىندەمەسىنىڭ كورىكتى مولتىلدەگەن ميۋا اسەمدىگىن كورىپ, ولاردى جاساۋشىلاردىڭ كوڭىل-كۇيى مەن ونەرگە دەگەن ۇمتىلىسىن تاماشالاۋعا مۇمكىندىك بەرەدى.
الماتى
