بقو سىبايلاس جەمقورلىققا قارسى قىزمەتى «بقو بايتەرەك اۋدانىنىڭ تۇرعىن ءۇي كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمى» مم-ءنىڭ باس مامانى ي.ءى.ىلەسكە قاتىستى سوتقا دەيىنگى تەرگەۋدى اياقتادى.
ول اتالعان مەملەكەتتىك مەكەمەنىڭ قاجەتتىلىگى ءۇشىن تاۋار-ماتەريالدىق قۇندى زاتتاردى ساتىپ الۋعا بولىنگەن 2,4 ملن تەڭگە سوماسىنداعى بيۋدجەت قاراجاتىن جىمقىردى دەپ كۇدىكتەلگەن.
اعىمداعى جىلدىڭ 26 قىركۇيەگىندە بقو بايتەرەك اۋداندىق سوتىنىڭ ۇكىمىمەن ي.ءى.ىلەسكە بيۋدجەت قارجىسىن جىمقىرعانى ءۇشىن 2 جىل 6 اي مەرزىمىنە (1 جىلعا جازانى كەيىنگە قالدىرا وتىرىپ) باس بوستاندىعىنان ايىرۋ جازاسى تاعايىندالدى, سونداي-اق مەملەكەتتىك قىزمەتتە لاۋازىمدى قىزمەتپەن اينالىسۋعا ءومىر بويىنا تىيىم سالۋ جازاسى بەلگىلەندى.
