«قازاقستان رەسپۋبليكاسى اۋىلدىق ەلدى مەكەندەرىن تالشىقتى-وپتيكالىق بايلانىس جەلىسى تەحنولوگياسى بويىنشا كەڭ جولاقتى ينتەرنەتپەن قامتاماسىز ەتۋ» اۋقىمدى مەملەكەتتىك جوبانى جۇزەگە اسىرۋ شەڭبەرىندە, سولتۇستىك وڭىرلىك تەلەكوممۋنيكاتسيالار ديرەكتسياسى ء(وتد) جىل سوڭىنا دەيىن تالشىقتى-وپتيكالىق بايلانىس جەلىسىن وبلىستىڭ 33 اۋىلدىق ەلدى مەكەنىنە دەيىن جەتكىزبەك. جوعارى جىلدامدىقتى ينتەرنەت 105 مەملەكەتتىك مەكەمەگە, ياعني اكىمدىكتەرگە, مەكتەپتەر جانە دەنساۋلىق ساقتاۋ نىساندارىنا ۇسىنىلادى. ماسەلەن, بەيىمبەت مايلين اۋدانىنىڭ اسەنكريتوۆكا اۋىلىندا كەڭ جولاقتى ينتەرنەت تاراتۋ قىزمەتىنە اۋىلدىق مەكتەپ, دارىگەرلىك امبۋلاتوريا جانە جەرگىلىك اكىمدىك قوسىلادى.
«اعىمداعى جىلى سولتۇستىك ءوتد قوستاناي وبلىسى بويىنشا 769 شاقىرىمنان استام تالشىقتى-وپتيكالىق بايلانىس جەلىسىن سالماق. جۇمىس جەلتوقسان ايىنىڭ سوڭىندا اياقتالادى دەپ جوسپارلاپ وتىرمىز. ودان كەيىن مەملەكەتتىك مەكەمەلەردى جوعارى جىلدامدىقتى ينتەرنەتكە قوسۋ جۇرگىزىلەدى» دەيدى سولتۇستىك ءوتد تەلەكوممۋنيكاتسيا جەلىلەرىن دامىتۋ بويىنشا ديرەكتوردىڭ ورىنباسارىنىڭ مىندەتىن اتقارۋشى ولجاس تاتاەۆ.
الداعى ەكى جىلدا وبلىستا 933 شاقىرىم تالشىقتى-وپتيكالىق بايلانىس جەلىسى تارتىلادى. ناتيجەسىندە 40 اۋىلعا, ونىڭ ىشىندە 129 مەملەكەتتىك مەكەمەلەر مەن بيۋدجەتتىك ۇيىمدار جوعارى جىلدامدىقتى ينتەرنەتكە قوسىلادى. سونىمەن قاتار, اتالمىش جوبانى جۇزەگە اسىرۋ كەزىندە 2020 جىلى جانگەلدين اۋدانىنىڭ تورعاي كەنتىن تالشىقتى-وپتيكالىق بايلانىس جەلىسىنە قوسۋ جوپارلانىپ وتىر.
قوستاناي
