اسقار مامين جۇمىس ساپارى بارىسىندا قىزىلوردا وبلىسىنىڭ بايقوڭىر قالاسىنىڭ الەۋمەتتىك-ەكونوميكالىق دامۋىمەن, سونداي-اق عارىش سالاسىنداعى بىرلەسكەن قازاقستاندىق-رەسەيلىك جوبالاردىڭ ىسكە اسىرىلۋ جاعدايىمەن جانە پەرسپەكتيۆالارىمەن تانىستى.
مەملەكەت باسشىسى ق.توقاەۆتىڭ بايقوڭىر قالاسىن دامىتۋ جونىندەگى تاپسىرمالارىنىڭ ورىندالۋىن باقىلاۋ اياسىندا اسقار مامين «نۇرلى جەر» باعدارلاماسى بويىنشا سالىنعان بەس 50 پاتەرلى ءۇيدىڭ الاڭىنا باردى. پرەمەر-مينيسترگە قالانى گازداندىرۋ جانە سۋمەن قامتۋ, قوناق ءۇي كەشەندەرىن سالۋ جانە رەكونسترۋكتسيالاۋ, بايقوڭىر قالاسىندا «بايقوڭىر» اەا قۇرۋ بويىنشا اتقارىلىپ جاتقان جۇمىستار تۋرالى باياندالدى.
«سويۋز مس-15» پيلوتتالاتىن كورابلىن ۇشىرۋدى بىرلەسىپ باقىلاعان سوڭ ۇكىمەت باسشىسى عارىش قىزمەتى جونىندەگى «روسكوسموس» مەملەكەتتىك كورپوراتسياسىنىڭ باس ديرەكتورى د. روگوزينمەن «نازارباەۆ ستارتى» عارىش زىمىرانى كەشەنىن قۇرۋدىڭ قازاقستاندىق-رەسەيلىك جوباسىن ىسكە اسىرۋدىڭ وزەكتى ماسەلەلەرىن تالقىلادى.
2019 جىلى 7 قىركۇيەكتە ماسكەۋ قالاسىندا قر تۇڭعىش پرەزيدەنتى – ەلباسى ن. نازارباەۆ پەن رف پرەزيدەنتى ۆ. ءپۋتيننىڭ كەزدەسۋى بارىسىندا رەسەيلىك تاراپ «بايتەرەك» جوباسىن «نازارباەۆ ستارتى» دەپ قايتا اتاۋدى, سونداي-اق, ونى ءتيىمدى ىسكە اسىرۋ ءۇشىن «سويۋز-5» جانە «سويۋز-6» زىمىران تاسىعىشتارىن ۇشىرۋ ءۇشىن بىرەگەي ستارتتى, سونداي-اق پيلوتتاۋ باعدارلاماسىن الىپ تاستاۋدى قاراستىراتىن جاڭا جاعدايلاردى قاراستىرۋدى ۇسىنعان ەدى.
