ءسىم باسشىسى قازاقستان ەقىۇ بەلسەندى مۇشەسى رەتىندە ەقىۇ-نىڭ بارلىق كەڭىستىگىندە قاۋىپسىزدىك پەن تۇراقتى دامۋدى قامتاماسىز ەتۋدە ۇيىمعا بارلىق مۇشە مەملەكەتتەرمەن ىنتىماقتاستىقتى كەڭەيتۋگە دايىن ەكەنىن اتاپ ءوتتى. قازاقستاننىڭ وڭىرلىك جانە جاھاندىق پروبلەمالاردى شەشۋ جونىندەگى بىرلەسكەن كۇش-جىگەرگە بەيىمدىلىگى اتاپ ءوتىلدى.
كەلىسسوزدەر بارىسىندا ت. گرەمينگەر قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ينكليۋزيۆتىك دامۋدىڭ جاھاندىق ارحيتەكتۋراسىن قالىپتاستىرۋ جونىندەگى ء«ۇش ديالوگ» باستاماسىن جان-جاقتى تالقىلادى.
وسىعان بايلانىستى ەقىۇ مەن اوسشك ەۋرازيا اۋماعىندا ءوزارا ءىس-قيمىل بويىنشا الەۋەتىن بىرىكتىرۋ ۇسىنىلدى. بەيرەسمي پىكىر الماسۋ, سونداي-اق وسى ۇيىمداردىڭ جاۋاپكەرشىلىك ايماقتارىندا گەوساياسي جاعدايدى ودان ءارى دامىتۋ بويىنشا «ساعاتتاردى سالىستىرۋ» جاناسۋ نۇكتەلەرىن بەلگىلەۋگە جانە بولاشاققا ينستيتۋتارالىق ءوزارا ءىس-قيمىل جوسپارىن ازىرلەۋگە مۇمكىندىك بەرەدى.
باس حاتشى قازاقستاننىڭ ەقىۇ اياسىنداعى ءتيىمدى قىزمەتىن اتاپ ءوتىپ, ەلىمىزدىڭ وڭىرلىك جانە حالىقارالىق ساياساتتاعى ءرولىنىڭ وسۋىنە نازار اۋداردى.
