سونداي-اق كوللەكتورلىق كومپانياعا ءوتىپ كەتكەن نەسيەلەر دە كەشىرىلمەيتىنى وسى جيىندا بەلگىلى بولدى.
«وسى اعىمداعى جىلدىڭ 1 ماۋسىمعا دەيىن ونىڭ العان نەسيەسى 3 000 000 تەڭگەدەن اسپاۋى كەرەك جانە دە وعان جالپى وكىمەت تاراپىنان تولەنىپ بەرەتىن اقشانىڭ سومماسى 300 000 تەڭگەدەن اسپايدى. ەندى ءبىر وتباسىدان ەكى ادام العان جاعداي بولسا, بولەك-بولەك ارقايسىسىنىڭ جاڭاعى نەسيەسى 3 000 000-نان اسپايتىن بولسا, تالاپتارعا ساي كەلەتىن بولسا, ول ەكەۋىنە دە 300 - 300 مىڭ تەڭگەدەن 600 000 تەڭگە نەسيەسى جابىلىپ بەرەدى» دەدى الماتى قالاسى ەڭبەك, الەۋمەتتىك قورعاۋ جانە كوشى-قون كوميتەتى دەپارتامەنتىنىڭ باسشىسى ايدىنجان نارماتوۆ.
ەستەرىڭىزدە بولسا, قارجى ءمينيسترى ءاليحان سمايلوۆ ۇكىمەتتە وتكەن سەلەكتورلىق جيىندا پرەمەر-ءمينيستردىڭ ورىنباسارى ءارى قارجى ءمينيسترى ءاليحان سمايىلوۆ كوللەكتورلىق بيۋروعا وتكەن كرەديتتەردى مەملەكەت قانداي جاعدايدا تولەيتىنىن تۇسىندىرگەن بولاتىن.
كەيبىر كرەديتتەر كوللەكتورلارعا بەرىلسە دە, بانكتىڭ بالانسىندا قالا بەرەتىنى بەلگىلى. مۇنداي جاعدايدا قارىزدىڭ ايىپپ ۇلى مەن ءوسىمپ ۇلى, سونداي-اق, تۇرمىسى تومەن ازاماتتاردىڭ بەرەشەگى 300 مىڭ تەڭگەگە دەيىن وتەلەدى. ال ەگەر كرەديت تولىعىمەن كوللەكتورلىق بيۋروعا ءوتىپ كەتكەن جاعدايدا ەشقانداي كومەك بولمايدى. بۇل ازاماتتار قارىزدى دا, ايىپپۇلدى دا وزدەرى تولەيدى. وعان مەملەكەت ارالاسا المايدى.
«بانكتەر مەن ميكروقارجىلاندىرۋ ۇيىمدارى كوللەكتورلارمەن جۇمىس ىستەگەن كەزدە دەبيتورلىق بەرەشەكتى ساتۋى دا, ساتپاۋى دا مۇمكىن. ءبىرىنشى جاعدايدا بانكتەر سوتقا جۇگىنبەي تۇرىپ, كوللەكتورلارعا بەرەشەكتى قايتارۋعا تاپسىرما بەرەدى. وندايدا دەبيتورلىق بەرەشەك بانكتە قالا بەرەدى. سونداي بەرەشەكتى ءبىز وتەيمىز. ال دەبيتورلىق بەرەشەك كوللەكتورلىق اگەنتتىككە ساتىلعان كەزدە, ول بانكتە قالمايدى. جارلىققا سايكەس بانكتەر مەن ميكروقارجىلاندىرۋ ۇيىمدارىنىڭ بالانسىندا تۇرعان كرەديت عانا وتەلەدى» دەگەن بولاتىن ءاليحان سمايىلوۆ ۇكىمەتتە وتكەن ءباسپاسوز ءماسليحاتىندا.
وسىعان دەيىن قارىز بويىنشا تالاپ ەتۋ قۇقىعى كوللەكتورلىق اگەنتتىككە ەمەس, بانككە نەمەسە ميكروقارجى ۇيىمىنا تيەسىلى بولسا, 300 مىڭ تەڭگەگە دەيىنى وتەلەتىنى, قارىز بويىنشا قۇقىق (تالاپتار) كوللەكتورلىق اگەنتتىككە ساتىلعان (قايتا بەرىلگەن) بولسا, بەرەشەكتى مەملەكەتتىڭ وتەمەيتىنى تالاي رەت ايتىلعان.
سول ماسەلەنى بۇگىن الماتى قالاسى ەڭبەك, الەۋمەتتىك قورعاۋ جانە كوشى-قون كوميتەتى دەپارتامەنتىنىڭ باسشىسى ايدىنجان نارماتوۆ تاعى دا ەسكە سالىپ وتىر.
سەبەبى وسى ماسەلەدە تۇسىنبەستىكتەر ءجيى بولىپ تۇرادى ەكەن.
الماتى
