ءتۋرنيردىڭ العاشقى باسەكەسىندە وتانداسىمىز قىتايلىق تەننيسشى چجۋ لينننەن 7:5, 2:6, 6:0 ناتيجەسىمەن باسىم تۇسسە, ەكىنشى كەزدەسۋدە تۋنيستىك ونس جابەردى 6:1, 6:7, 6:2 ەسەبىمەن قاپى قالدىردى. ال شيرەك فينالدىڭ جولداماسى ءۇشىن وتكەن باسەكەدە الەمنىڭ ەكس-ءبىرىنشى راكەتكاسى رۋمىنيالىق سيمونا حالەپتى العاشقى سەتتە 5:4 ەسەبىمەن جەڭىپ جاتقان-دى. بىراق رۋمىنيالىق تەننيسشى جاراقاتىنا بايلانىستى كەزدەسۋدى جالعاستىرۋدان باس تارتتى. وسىلايشا وتانداسىمىز ءتۋرنيردىڭ شيرەك فينالىنا جولداما الدى.
ەندى قازاقستاندىق تەننيسشى جارتىلاي فينالعا شىعۋ ءۇشىن ارينا سوبولەنكو (بەلارۋس) جانە كيكي بەرتەنس (نيدەرلاند) جۇبىنىڭ جەڭىمپازىمەن كۇش سىناسادى.
