ەل جەتىستىكتەرى ەرەكشە اتالدى

قاسىم-جومارت توقاەۆ بۇۇ باس اسسامبلەياسىنىڭ جالپى دەبات­تارىندا قازاقستان رەسپۋب­ليكاسىنىڭ پرەزيدەنتى رەتىندە تۇڭعىش رەت ءسوز سويلەدى. ءسوزىن مەملەكەتتىك تىل­دە باس­تاعان پرە­زيدەنت جاھاندىق دەڭ­گەي­دە ورىن الىپ جاتقان گەوسايا­سي جانە گەوەكونوميكالىق سىن-قاتەر­لەر مەن قاقتىعىس ۇردىستەرى, وعان قارسى تۇرۋداعى اتقارىلىپ جاتقان ءىس-قيمىلدار تۋرالى, سونداي-اق قازاق­ستاننىڭ بۇل جولدا جەتكەن جەتىس­تىكتەرى مەن تاجىريبەسى تۋرالى ەرەكشە اتاپ ءوتتى. جاھاندىق سىن-قاتەر­لەر ۇردىستەرى دەپ پرە­زي­دەنت بىرىن­شىدەن, توقتاماي جات­قان اسكە­ري قاقتىعىستاردى, ەكىن­شىدەن, جاھان­دىق جانە ايماق­تىق دەر­جا­ۆالار­دىڭ ءبىر-بىرىنە دەگەن سەنىم­سىزدىگىن جانە ونىڭ الەمدىك تۇراق­تىلىققا تيگىزەتىن تەرىس اسەرىن, ۇشىنشىدەن, الەۋمەتتىك, ەكونو­مي­كالىق جانە تەحنولوگيالىق تەڭسىز­دىك, سونداي-اق جاھاندىق قارىز داع­دا­­رىسىن, تورتىنشىدەن, قورشاعان ور­تا­نىڭ بۇزىلۋى سالدارىنان ورىن الىپ جاتقان كليماتتىڭ وزگەرۋىن كورسەتتى.

مەملەكەت باسشىسى بەلگىلەپ كەتكەن ۇردىستەردىڭ ىشىندە اسكەري قاقتىعىستارعا توسقاۋىل قويۋ ما­سەلەسى باسا نازار اۋدارارلىق جاع­داي. اسكەري وپەراتسيالاردىڭ كەسىرىنەن مىڭداعان جازىقسىز جان قۇربان بولىپ جاتىر. بۇل ارادا قازاقستان بۇۇ بىتىمگەرشىلىك قىزمەتتەرىنە بەلسەنە قاتىسىپ كەلەدى. قازىرگى ۋاقىتتا بۇۇ-نىڭ ليۆانداعى بىتىمگەرلىك ميسسياسىندا 42 ەلدەن 10 مىڭنان استام اسكەري قىزمەتشى قىزمەتىن وتەۋدە.

ماسەلەن, تمد بويىنشا قازاق­­­­ستان سوعىس بولىپ جاتقان ايماق­تارعا جىبەرەتىن بىتىمگەرلەر سانى بو­يىن­شا الدىڭعى قاتاردا تۇر­عانى بەلگىلى. وسىلايشا 2018 جى­لى ەلى­مىزدەن ليۆانداعى بۇۇ ميس­­­سيا­سىنا (UNIFIL) ءۇندى-قازاق­ستان بىتىمگەرلەر باتالو­نىنا 120 اسكەري قىزمەت­كەر جى­بەرىل­دى. قازاقستان ءۇشىن بىتىم­گەر­لىك ءىس-ارە­كەت حالىقارالىق جانە وڭىرلىك قاۋىپ­س­ىزدىكتى نى­عاي­تۋداعى مەملە­كەت­تىك ساياسات­تىڭ ماڭىزدى بولىگى رە­تىن­­دە قاراس­تى­رىلادى. 2015 جىل­عى 15 ماۋ­سىمدا «قازاقستان رەس­پۋب­ليكا­سى­نىڭ بىتىمگەرلىك ءىس-ارە­كەت تۋ­رالى» زاڭى قابىلداندى. 2014 جىلدان باستاپ, قازاقستان وفي­تسەر­­لەرى بۇۇ ميسسياسى اياسىندا باتىس ساحارا مەن كوت-د’يۆۋاردا بەي­بىت­شىلىك پەن قاۋىپسىزدىكتى ساقتاۋ ماق­ساتىندا اسكەري قىزمەتتەن ءوتتى. سونىمەن قاتار قازاقستاندىق بى­تىم­گەرلەر ۇلىبريتانيا جانە اقش-پەن بىرلەسە «دالا قىرانى» ارنايى-تاكتيكالىق بىتىمگەرلىك وقۋ-جاتتىعۋلارىنا قاتىسادى. بۇل – قازاقستاندىق جاۋىنگەرلەر ءۇشىن ۇلكەن تاجىريبە.

ءوزارا كەلىسپەۋشىلىك پەن قاق­تى­عىس­تان باس تارتىپ, بىرلىككە ۇم­تىلۋ قازىرگى زاماننىڭ باستى تالابىنا اينالۋ كەرەك.

ءمادينا بەكتەنوۆا,
قازاقستان ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى