تاراپتار ساۋدا-ەكونوميكالىق, كولىك-لوگيستيكالىق جانە تەحنولوگيالىق سالالارداعى ىنتىماقتاستىقتىڭ اۋقىمىن كەڭەيتۋدىڭ قازىرگى جاعدايى مەن پەرسپەكتيۆالارىن تالقىلادى, سونداي-اق, حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
مەملەكەت باسشىسى فينليانديا سولتۇستىك ەۋروپا مەن ەۋروپالىق وداقتاعى قازاقستاننىڭ نەگىزگى سەرىكتەستەرىنىڭ ءبىرى ەكەنىن اتاپ ءوتتى.
قاسىم-جومارت توقاەۆ فينليانديامەن سىندارلى جانە سەنىمدى ساياسي ديالوگتى جوعارى باعالاپ, ءوزارا ءتيىمدى قارىم-قاتىناستى دامىتۋعا دايىن ەكەنىن ايتتى.
پرەزيدەنتتىڭ ايتۋىنشا, ەلباسى نۇرسۇلتان نازارباەۆتىڭ 2018 جىلدىڭ قازان ايىندا فينلياندياعا جاساعان ساپارىنىڭ ناتيجەسىندە قول جەتكىزىلگەن ۋاعدالاستىقتاردى جۇزەگە اسىرۋمەن قاتار, ىنتىماقتاستىقتىڭ جاڭا باعىتتارىن ىزدەستىرۋ ەكى ەلدىڭ اراسىنداعى ارىپتەستىكتىڭ شەكاراسىن كەڭەيتە تۇسپەك.
