«قازاقستان اۋعانستاندى قالپىنا كەلتىرۋ جونىندەگى ءوزىنىڭ حالىقارالىق مىندەتتەمەلەرىنەن اينىمايدى جانە ەلدەگى جاعدايدى تەز ارادا تۇراقتاندىرۋعا مۇددەلى», - دەپ اتاپ ءوتتى ا.شاكىروۆ.
سەناتور 2019 جىلعى 24 قىركۇيەكتە بۇۇ باس اسسامبلەياسىنىڭ نيۋ-يوركتەگى جالپى پىكىرسايىستارىندا مەملەكەت باسشىسى ق.توقاەۆ اۋعانستان يسلام رەسپۋبليكاسىنداعى بەيبىتشىلىكتى قالپىنا كەلتىرۋگە قازاقستاننىڭ مۇددەلى ەكەنىن ايتقانىن ەسكە سالدى. پرەزيدەنتتىڭ ايتۋىنشا, اۋعان حالقىن ءوز مەملەكەتىنىڭ قالپىنا كەلتىرۋىنە قازاقستان الداعى ۋاقىتتا دا قولداۋ كورسەتەتىن بولادى.
اۋعانستان پارلامەنتى جوعارعى پالاتاسىنىڭ ۆيتسە-سپيكەرى اڭگىمە بارىسىندا ەۋرازيالىق پارلامەنتتىك الاڭنىڭ ماڭىزىن اتاپ وتە كەلىپ, قازاقستان-اۋعان پارلامەنتارالىق قاتىناستارىن نىعايتۋعا دايىندىعىن ناقتىلادى.
موحامماد فايسال سامي ءبىزدىڭ ەلىمىزدىڭ اۋعان حالقىنا كورسەتكەن كومەگى ءۇشىن العىسىن ءبىلدىرىپ, قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ باستاماسى بويىنشا جۇزەگە اسقان ءبىلىم بەرۋ جوبالارىنىڭ ماڭىزىن ەرەكشە اتاپ ءوتتى.
