«100 ناقتى قادام» – ۇلت جوسپارىندا كورسەتىلگەن مەريتوكراتيا قاعيداسىنا سايكەس پرەزيدەنت اكىمشىلىگى كەلىسىمىمەن جانە اكىمنىڭ وكىمىمەن باتىس قازاقستان وبلىسى اكىمىنىڭ ءبىرىنشى ورىنباسارى بولىپ مانكەەۆ مۇحتار ناۋرىزباي ۇلى تاعايىندالدى.
مۇحتار ناۋرىزباي ۇلى مانكەەۆ – 1984 جىلى تۋعان, ءبىلىمى جوعارى, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىن «ينجەنەر», «ەكونوميكا», فينليانديا رەسپۋبليكاسىندا وۋلۋ ۋنيۆەرسيتەتىن «بيزنەس اكىمشىلەۋ ماگيسترى» ماماندىقتارى بويىنشا بىتىرگەن.
ءار جىلدارى:
- «جاسىل ەل» باتىس قازاقستان وبلىستىق فيليالى جەتەكشىسى, «جاسىل ەل» رەسپۋبليكالىق شتابىنىڭ جەتەكشىسى,
- «سامعاۋ» ۇلتتىق حولدينگى» اق مەنەدجەرى,
- يندۋستريا جانە جاڭا تەحنولوگيالار مينيسترلىگى ينجينيرينگ جانە جاڭا تەحنولوگيالار ترانسفەرتى ورتالىعىنىڭ دەپارتامەنت ديرەكتورى,
- «استانا Innovations» اق باسقارۋشى ديرەكتورى – باسقارما مۇشەسى,
- سولتۇستىك قازاقستان وبلىسى اكىمىنىڭ ورىنباسارى قىزمەتتەرىن اتقاردى.
كۇنى بۇگىنگە دەيىن «فين بيزنەس حابى» كومپانياسىنىڭ ديرەكتورى, «قازاقستان 2050» جالپىۇلتتىق قوزعالىسى كەڭەسىنىڭ توراعاسى بولدى.
ول كاسىپكەرلىك, ونەركاسىپ جانە ينۆەستيتسيالار, اۋىل شارۋاشىلىعى, ۆەتەريناريا, جەر قاتىناستارى, تۋريزم ماسەلەرىنە جەتەكشىلىك ەتەتىن بولادى.
