قازاقستان تاراپىنىڭ دەلەگاتسياسىن ساۋدا جانە ينتەگراتسيا ۆيتسە-ءمينيسترى جانەل كۋشۋكوۆا باسقاردى.
ء«وزارا ساۋدا جاساۋ كەزىندە كەدەرگىلەردى جويۋدى كوزدەيتىن ەۋرازيالىق ەكونوميكالىق وداقتىڭ ىشكى نارىعىن دامىتۋ ەۋرازيالىق ينتەگراتسيانى دامىتۋ ءۇشىن شەشۋشى اسپەكتى جانە جۇمىسىمىزدىڭ نەگىزگى ولشەمشارتى بولۋى ءتيىس. بۇل رەتتە ينتەگراتسيانىڭ ودان ءارى دامۋى ەكونوميكالىق قۇرامداستىڭ پريزماسى ارقىلى ءوتۋى قاجەت», — دەپ اتاپ ءوتتى جانەل كۋشۋكوۆا.
ستراتەگيالىق باعىتتاردىڭ جوباسى وتكەن جىلى جەلتوقساندا قابىلدانعان ەۋرازيالىق ەكونوميكالىق وداق شەڭبەرىندە ينتەگراتسيالىق پروتسەستەردىڭ ودان ءارى دامۋى تۋرالى دەكلاراتسيانى ىسكە اسىرۋ ءۇشىن ازىرلەنىپ جاتقانىن ەسكە سالامىز, ءارى ول اعىمداعى جىلدىڭ سوڭىنا دەيىن جوعارى ەۋرازيالىق ەكونوميكالىق وداقتىڭ قاراۋىنا ۇسىنىلۋى ءتيىس.
جالپى, ستراتەگيالىق باعىتتاردىڭ جوباسى ەاەو ماقساتتارى مەن مىندەتتەرىن ىسكە اسىرۋعا, ونىڭ ىشىندە جوعارى تەحنولوگيالىق جانە يننوۆاتسيالىق ەۋرازيالىق كەڭىستىكتى قامتاماسىز ەتۋ, مۇشە ەلدەردىڭ ەكونوميكاسىن تسيفرلىق ترانسفورماتسيالاۋ, ىسكەرلىك بەلسەندىلىكتى ىنتالاندىرۋ جانە ازاماتتاردىڭ ومىرىندە ءپوزيتيۆتى وزگەرىستەردى قامتاماسىز ەتۋ ءۇشىن مۇشە ەلدەر قابىلدانعان مىندەتتەمەلەردىڭ ءسوزسىز ورىندالۋىن قامتاماسىز ەتۋگە باعدارلانعان.
كەڭەستىڭ ناتيجەلەرى بويىنشا تاراپتار ستراتەگيالىق باعىتتاردىڭ جوباسىن ازىرلەۋ بويىنشا جۇمىستى جانداندىرۋ تۋرالى ۋاعدالاستى.
