پارلامەنت • 24 قىركۇيەك، 2019

د. نازارباەۆا بىرىككەن اراب امىرلىكتەرى فەدەرالدىق ۇلتتىق كەڭەسىنىڭ توراعاسىمەن كەزدەستى

19 رەتكورسەتىلدى

سەنات توراعاسى بىرىككەن اراب امىرلىكتەرىنىڭ فەدەرالدىق ۇلتتىق كەڭەسىنىڭ توراعاسى امال ال-كۋبەيسيمەن كەزدەستى. ەكىجاقتى قارىم-قاتىناستار مەن حالىقارالىق كۇن تارتىبىندەگى كەشەندى ماسەلەلەر تالقىلاندى. بۇل تۋرالى سەناتتىڭ ءباسپاسوز قىزمەتى حابارلادى.

تاراپتار قازاقستان مەن امىرلىكتەردىڭ قاتىناستارىن دامىتۋدىڭ اۋقىمدى الەۋەتىن اتاپ ءوتتى. عارىش، ەنەرگەتيكا، ونىڭ ىشىندە جاڭارتىلاتىن ەنەرگيا كوزدەرى، ازىق-ت ۇلىك قاۋىپسىزدىگى، ءبىلىم بەرۋ، مادەنيەت، تۋريزم سالالارىنداعى ىنتىماقتاستىق پەن تاجىريبە الماسۋ – كەلەشەگى بار باعىتتار بولىپ تابىلادى.

داريعا نازارباەۆا سونداي-اق ءباا باسشىلىعىنىڭ ايەلدەردىڭ قۇقىقتارى مەن مۇمكىندىكتەرىن كەڭەيتۋگە، گەندەرلىك تەڭدىك پەن تولەرانتتىلىققا قاتىستى وسكەلەڭ كوزقاراستارىنا نازار اۋداردى.

«ەل پرەزيدەنتى شەيح حاليفا بەن زايد ءال ناحاياننىڭ فەدەرالدىق ۇلتتىق كەڭەستىڭ الداعى جاڭا قۇرامىنداعى ورىنداردىڭ جارتىسىن ايەلدەرگە بەرۋ شەشىمى ولاردىڭ مەملەكەتتىڭ تۇراقتى جانە ءتيىمدى دامۋىن قامتاماسىز ەتۋدەگى ءرولىن مويىنداۋىنىڭ دالەلى بولىپ وتىر.

قازاقستاندا ءسىزدىڭ ەلىڭىزدىڭ تاجىريبەسىنە مۇقيات نازار اۋدارىپ وتىر. ەلباسى – قازاقستاننىڭ تۇڭعىش پرەزيدەنتىنىڭ ايەلدەردىڭ مۇمكىندىكتەرىن كەڭەيتۋ جونىندەگى كوزقاراسى مەن ساياساتى ءباا باسشىلىعىنىڭ كوپتەگەن ۇستانىمدارىمەن سايكەس كەلەدى»، - دەپ اتاپ ءوتتى د. نازارباەۆا.

بىرىككەن اراب امىرلىكتەرى فەدەرالدىق ۇلتتىق كەڭەسىنىڭ توراعاسى دوكتور امال ال-كۋبەيسي ءوز كەزەگىندە قوناقجايلىعى ءۇشىن قازاقستانعا العىسىن ءبىلدىرىپ، سەنات توراعاسى بولىپ تاعايىندالۋىنا بايلانىستى جىلى لەبىزىن ءبىلدىردى.

ء«سىزدىڭ تاعايىندالعانىڭىزدى ەستىگەندە شىن جۇرەكتەن قۋاندىم. ءسىز ازيا ەلدەرىندە عانا ەمەس، جەر جۇزىندەگى كوپتەگەن ايەلدەرگە ۇلگى بولىپ كەلەسىز. ءسىزدىڭ يدەيالارىڭىز بەن تاجىريبەلەرىڭىز قازاقستاننىڭ يگىلىگى ءۇشىن قىزمەت ەتەدى دەپ سەنەمىن»، - دەدى امال ءال-كۋبەيسي.

2019 جىلى 25 قىركۇيەكتە بايقوڭىردان العاش رەت بىرىككەن اراب امىرلىكتەرىنىڭ استروناۆتى وربيتاعا ۇشادى. امال ال-كۋبەيسي بۇل تاريحي وقيعا دا ەكى ەلدىڭ دامۋىنداعى جاڭا كەزەڭ ەكەنىن اتاپ ءوتتى.

تاراپتار سونداي-اق حالىقارالىق قاتىناستارداعى ماڭىزدى ماسەلەلەر تۋرالى ايتتى. داريعا نازارباەۆا مەن امال ال-كۋبەيسي الەمدەگى، ونىڭ ىشىندە تاياۋ شىعىستاعى كوپتەگەن قاقتىعىستاردى تەك ساياسي ۇنقاتىسۋ ارقىلى شەشۋگە بولادى، دەپ سانايدى.

امال ال-كۋبەيسي تەرروريزم مەن ەكسترەميزمنىڭ تارالۋىن بولدىرماۋ جولدارىن بىرلەسىپ ىزدەۋدە ساياساتكەرلەر مەن ءدىن وكىلدەرىنىڭ كۇش-جىگەرىنىڭ ماڭىزدىلىعىن اتاپ ءوتتى.

«قازاقستان مەن تۇڭعىش پرەزيدەنت نۇرسۇلتان نازارباەۆقا تەرروريزم مەن ەكسترەميزمنىڭ تارالۋىنا قارسى كۇرەسكە باعىتتالعان باستامالارى ءۇشىن العىس ايتامىن. ءبىز پرەزيدەنت قاسىم-جومارت توقاەۆتىڭ وسى باعىتتاعى كۇش-جىگەرىن جوعارى باعالايمىز جانە ءسىزدىڭ بارلىق باستامالارىڭىزدى قولدايمىز»، - دەدى بىرىككەن اراب امىرلىكتەرىنىڭ فەدەرالدىق ۇلتتىق كەڭەسىنىڭ توراعاسى امال ال-كۋبەيسي.

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار