كەزدەسۋ بارىسىندا قاتىسۋشىلار قازاقستان مەن نورۆەگيانىڭ مۇناي-گاز سالاسىنداعى سەرىكتەستىگىنىڭ ماڭىزىن اتاپ ءوتتى جانە كەلەشەكتە ىقتيمال جەر قويناۋىن پايدالانۋ جونىندە كەلىسىمشارتقا وتىرۋ ماقساتىندا قازاقستان رەسپۋبليكاسى اۋماعىنداعى كەيبىر مۇناي-گاز ۋچاسكەلەرىندە بىرلەسكەن زەرتتەۋ جۇمىستارىن جۇرگىزۋگە ىنتا ءبىلدىردى. سوعان وراي, قوس كومپانيا اراسىندا ۇزاق مەرزىمدى جانە ءوزارا ءتيىمدى سەرىكتەستىك اياسىندا بىرلەسكەن زەرتتەۋلەر جۇمىستارىن جۇرگىزۋ تۋرالى كەلىسىمگە قول قويىلدى.
قۇجاتقا قمگ اپپارات باسشىسى – دامۋ جونىندەگى باسقارۋشى ديرەكتور داستان ابدۋلعافاروۆ جانە Equinor بارلاۋ بويىنشا اعا ۆيتسە-پرەزيدەنتى تورە لوزە قول قويدى. كەلىسىم قازاقستان رەسپۋبليكاسى اۋماعىندا مۇناي-گاز ۋچاسكەلەرىنىڭ كومىرسۋتەكتى الەۋەتىن باعالاۋ ماقساتىندا گەولوگيالىق جانە گەوفيزيكالىق ىزدەستىرۋ جۇمىستارىن جۇرگىزۋدى كوزدەيدى.
- كەلىسىم كەلەشەكتە ءوزارا ءتيىمدى سەرىكتەستىكتىڭ نەگىزى بولادى دەپ سەنەمىز. قوس كومپانيا دا قازاقستاندا بارلاۋ جانە ءوندىرۋ كەلىسىمشارتتارى بويىنشا Equinor-دىڭ ستراتەگيالىق سەرىكتەس رەتىندە قاتىسۋىن قاراستىرۋعا دايىن, دەدى ا. ايدارباەۆ.
ماڭعىستاۋ وبلىسى
