2019 جىلعى 1 قىركۇيەكتەگى جاعداي بويىنشا مەملەكەتتىك باعدارلاماعا قاتىسۋشىلار قۇرامىنا 10,8 مىڭ مۇمكىندىگى شەكتەۋلى ازامات ەنگىزىلدى, بۇل مەملەكەتتىك باعدارلاماعا قاتىسۋشىلاردىڭ جالپى سانىنىڭ 3%-ىن قۇرايدى (402,8 مىڭ ادام). مەملەكەتتىك باعدارلامانىڭ وزگە دە باعىتتارى بويىنشا قىسقا مەرزىمدى كۋرستارمەن 1 170 ادام قامتىلدى, «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 757 ادام قامتىلدى, 179 ادام ميكروكرەديت الدى, ونىڭ ىشىندە 90 ادام ءوز ءىسىن اشقان.
سونداي-اق 3 851 ادام جۇمىسقا ورنالاستىرىلدى, الەۋمەتتىك جۇمىس ورىندارىنا – 983 ادام جۇمىسقا ورنالاستىرىلدى, جاستار پراكتيكاسىنا 440 ادام تارتىلدى, قوعامدىق جۇمىس ورىندارىنا – 4 337 ادام ورنالاستىرىلدى.
ال 2019 جىلى مەملەكەتتىك باعدارلاما اياسىندا 16 مىڭنان استام ادامدى جۇمىسقا ورنالاستىرۋ جوسپارلانۋدا.
ەستەرىڭىزگە سالا كەتەيىك, 2019 جىلدىڭ ءبىرىنشى جارتىجىلدىعىنىڭ قورىتىندىسى بويىنشا قازاقستاندا 690,6 مىڭ مۇگەدەك بار, بۇل جالپى حالىق سانىنىڭ 3,7% – ى, 424,4 مىڭ ەڭبەككە قابىلەتتى جاستا (61%), 106 مىڭ ادام جۇمىس ىستەيدى.
