جيىن بارىسىندا ش.شاياحمەتوۆ اتىنداعى ء«تىل-قازىنا» ۇلتتىق عىلىمي ورتالىعىنىڭ ادىسكەرلەرى ۇلتتىق ۇلاندىق ءتىل ماماندارىن قازاق ءتىلىن جاڭا ءالىپبي نەگىزىندە وقىتۋدىڭ قىر-سىرلارىمەن تانىستىرۋ ءۇشىن دارىستەر وتكىزىپ, ءوزارا تاجىريبە الماستى. جيىن سوڭىندا سەرتيفيكاتتار تابىستالدى.
مەملەكەتتىك ءتىلدىڭ قولدانۋ اياسىن كەڭەيتۋ جولىندا ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ اسكەري بولىمدەرىندە دە قىرۋار جۇمىستار اتقارىلۋدا. قۇجاتتار مەن ءىس-قاعازداردى جۇرگىزۋدە, پارمەندەردى بەرۋدە مەملەكەتتىك تىلگە باسىمدىق بەرىلىپ كەلەدى. ونىمەن قوسا وسى جىلدىڭ مامىر ايىندا اسكەري بولىمدەردە وزگە ۇلت اسكەري قىزمەتشىلەرىنىڭ قاتىسۋىمەن «مەملەكەتتىك ءتىل – مەنىڭ ءتىلىم» بايقاۋ-سايىسىنىڭ 1-كەزەڭى, ماۋسىم ايىندا وڭىرلىك قولباسشىلىقتا بايقاۋ-سايىستىڭ 2-كەزەڭى ۇيىمداستىرىلىپ وتكىزىلدى. اتاپ ايتارلىعى, سايىسقا قاتىسۋشى وزگە ۇلت اسكەري قىزمەتشىلەرى وزدەرىن بيىل ەرەكشە قىرلارىنان كورسەتىپ, مول دايىندىقپەن كەلگەندىكتەرىن دالەلدەدى. جەڭىمپازدار «وڭتۇستىك» وڭىرلىك قولباسشىلىعى قولباسشىسىنىڭ ارنايى ديپلومدارىمەن جانە باعالى سىيلىقتارمەن ماراپاتتالدى.
– بيىلعى جىلى وڭىرلىك قولباسشىلىق اسكەري بولىمدەرىندە مەملەكەتتىك ءتىلدى كيريلليتسادان لاتىن گرافيكاسىنا نەگىزدەلگەن الىپبيگە كوشىرۋ جولىندا دا قىرۋار جۇمىس اتقارىلدى. اسكەري بولىمدەردەگى مەملەكەتتىك رامىزدەر, قىزمەتتەر اتاۋلارى, كورنەكى ناسيحات قۇرالدارى بىرتىندەپ لاتىن گرافيكاسىنا اۋىستىرىلۋدا, – دەيدى 28237 اسكەري ءبولىمى تاربيە ءبولىمىنىڭ وفيتسەرى – ءتىل مامانى اعا لەيتەنانت ايدوس بايشاعىروۆ.
جانە بيىل قىركۇيەك ايىندا ۇلتتىق ۇلان اسكەرىندە قازاقستان حالىقتارىنىڭ تىلدەرى كۇنى مەرەكەسىنە وراي «تىلگە قۇرمەت – ەلگە قۇرمەت» اكتسياسىنىڭ باستاۋ الدى. وسىعان وراي اسكەري بولىمدەردە ءتۇرلى ءىس-شارالار ۇيىمداستىرىلۋدا, اتاپ ايتار بولساق «وڭتۇستىك» وڭىرلىك قولباسشىلىعىنىڭ اسكەري بولىمدەرىندە ء«تىل – تاتۋلىق تىرەگى» تاقىرىبىندا اقپاراتتىق ساعاتتار, ەلباسى ساعاتتارى جانە جەرگىلىكتى جەرلەردەگى تىلدەردى دامىتۋ ورتالىقتارى, كىتاپحانالارىمەن بىرلەستىكتە ءتۇرلى ءىس-شارالار وتكىزىلۋدە. اسكەري ءبولىمنىڭ بولىنىستەرىندە ءتىل مەرەكەسىنە قاتىستى قابىرعا باسپالارى جاسالىپ ءىلىندى. ونىمەن قوسا وڭىرلىك قولباسشىلىق اسكەري بولىمدەرىنىڭ ءتىل ماماندارى جەرگىلىكتى قالالارداعى ءتۇرلى عىلىمي كونفەرەنتسيالار مەن سەمينارلارعا قاتىسىپ, ارنايى سەرتيفيكاتتارعا يە بولدى.
ءبارىن ايت تا ءبىرىن ايت دەمەكشى, مەملەكەتتىك ءتىلدى وركەندەتۋ جولىندا جاسالىپ جاتقان بۇنداي جۇمىستار وسىمەن توقتاماق ەمەس. بيىلعى اتقارىلعان جۇمىستاردىڭ كورسەتكىشى, ياعني ۇلاندىقتاردىڭ مەملەكەتتىك تىلگە قوسقان ۇلەس سالماعى وتكەن جىلدارداعىمەن سالىستىرعاندا ءبىرشاما وسكەندىگىن بايقاتادى.
الماتى
